Monday , September 23 2019
Breaking News
You are here: Home / News / Sa away ng mag-asawa… Puwet ni misis nalapnos sa sinaing

Sa away ng mag-asawa… Puwet ni misis nalapnos sa sinaing

NALAPNOS ang puwet ng isang babae nang mapaupo sa kaldero ng bagong lutong sinaing sa gitna ng pag-aaway nila ng kinakasama sa Valenzuela City kamakalawa ng gabi.

Ginamot sa Valen­zuela City Medical Center (VMC) ang biktimang si Lucy Mallari, nasa hus­tong gulang, residente sa #17 Pacheco Drive, Brgy. Dalandanan ng nasabing lungsod.

Kasong  frustrated homicide   ang kinaka­ha­rap ng live-in lover nitong si Rollie Masing Malana, alyas Lando, sanhi ng pananaksak sa kinaka­sama.

Dakong 7:20 pm, nagtalo ang suspek at biktima dahil sa selos at  nagsalita ang lalaki na papatayin ang bebot ngunit ipinagkibit-balikat lamang ito ng biktima.

Lingid sa kaalaman ng babae, armado na ng patalim ang suspek at pagharap niya rito ay itinulak ng biktima dala ng pagkabigla ngunit siya naman ang nawalan ng panimbang at lumagpak ang puwet sa umuusok na kaldero ng bagong lutong sinaing.

Nang naghihiyaw sa hapdi ang biktima at inundayan pa ng saksak ng suspek na tinamaan sa hita hanggang magbuno ang dalawa at maa­gaw ng babae ang pata­lim.

Itinapon ng babae ang patalim saka huma­hangos na humingi ng tulong na nagresulta sa pagkaaresto ni Malana.

ni ROMMEL SALES

About Rommel Sales

Leave a Reply

Your email address will not be published. Required fields are marked *

*

Scroll To Top