Sunday , October 20 2019
Breaking News
You are here: Home / Showbiz / Nora, tatlong pelikula ang tinanggihan
Nora, tatlong pelikula ang tinanggihan

Nora, tatlong pelikula ang tinanggihan

MAINGAY ang balitang may gagawing pelikula ang Heaven’s Best Entertainment na pagbibidahan ni Nora Aunor at ididirehe ni Joel Lamangan. Ito ay ang Isang Bahaghari  kasama sina Tirso Cruz III at Christo­pher de Leon na mula sa panulat ni Eric Ramos.

“Isa uling mapangahas na istorya ang pinaplano at sana makasama ulit kami sa MMFF, hopefully makaabot kami sa deadline ngayong May 31,” saad ni Harlene Bautista, producer ng Rainbow’s Sunset.

Ayon kay Direk Joel, nakausap na nila sina Ate Guy, Pip, at Boyet pero hinihintay lang ang script para mabasa. Pero naikuwento na niya ang istorya at nagustuhan naman ng tatlo.

Ani Eric, umaasa silang hindi ito magkaka­problema dahil maganda ang cast at maganda ang kuwento ng pelikula.

Napanayam namin si Nora sa charity show na Dibdiban Ba ‘To! na sinuportahan si John Rendez at nabanggit nitong hinihintay pa niyang magka-usap sila ni Direk Joel. Hindi pa pinal ang usapan pero aminado si Ate Guy na nagustuhan niya ang proyekto at handa niyang gawin.

Sa kabilang banda, tatlong pelikula ang inayawan niya. Ito ay ang Jesusa na napunta kay Sylvia Sanchez dahil may time conflict daw sa Onanay. Kasama rin ang horror na hawig sa Eeere nina Charo Santos at Bea Alonzo at ang isa pang pelikulang dalawang araw lang ang  shooting.

Edu, may request kay Jessy

NAHIYA pala si Edu Manzano na obligahing ikampanya sila nina Jessy Mendiola at Luis Manzano.

Gusto sana niyang ikampanya siya ng kanyang magiging daughter-in-law pero ayaw niyang sa kanya manggaling.

Suportado naman ni Luis ang kandidatura ng ama at naiintindihan niya  kung ibang politiko ang ikampanya ni Jessy dahil ito ang pagkakataon para kumita ng malaki ang mga artista sa pamamagitan ng pagso-show sa kampanya ng iba’t ibang politiko. (ALEX DATU)

 

About Alex Datu

One comment

  1. I like this site because so much useful stuff on here : D.

Leave a Reply

Your email address will not be published. Required fields are marked *

*

Scroll To Top