Thursday , May 23 2019
Breaking News
You are here: Home / Bulabugin / Congratulations winners better luck next time losers
Congratulations winners better luck next time losers

Congratulations winners better luck next time losers

AS USUAL nakaraos na naman ang sambayanan sa isang eleksiyon — midterm elections.

Bagama’t maraming nairita sa tila hindi kahandaan ng Commission on Elections (Comelec) at maraming vote counting machines (VCMs) ang pumalya, natapos din ang eleksiyon.

Ang bilangan na nasusundan natin sa broadcast media ay hindi pa official result — ‘yan ay partial unofficial result pa lamang.

Pero kagabi, marami na ang nagdiwang sa panalo ni Francis Zamora sa San Juan bilang bagong alkalde at simbolikong pagwawagi laban sa isang dinastiya na ilang panahong namayagpag sa nasabing lungsod.

Pero nakatutuwa pa rin ang sagot ni mayor-elect Francis, isang araw lang ang eleksiyon, ang kasunod nito ay rekonsilasyon at paglilingkod sa mamamayan.

Oo nga naman, lalo’t alam naman ng lahat na ang mga pamilyang Zamora at Estrada ay magkakaibigan.

Sa Maynila, angat na rin sa bilangan si Isko Moreno. Sa Caloocan City, wagi ang unopposed na si Mayor Oca Malapitan. Mukhang nag­diri­wang na rin ang kampo ni Mayor Abby sa Makati.

Mainit na pinag-uusapan rin ngayon ang labanang Joy B. vs Bingbong, lalo ang Vico vs Eusebio.

Ang binata ni Vic Sotto ang inaasahang magpapatumba sa mga Eusebio.

Sa Pasay City, nangunguna na rin si dating Rep. Emi Calixto-Rubiano bilang alkalde habang ang utol niyang dating yorme na si Tony Calixto, ay nangunguna sa congressional race.

Sabi nga, sa mga susunod na araw ay opisyal nang maipoproklama ang mga opisyal na halal ng bayan.

Sa senatorial race, marami ang nagdarasal na sanay maging number one si reelectionist Grace Poe dahil sa kasalukuyan ay nagunguna ang hanep ang buhay na si Cynthia Villar.             

Pansamantala, mag-aabang pa tayo sa opisyal na canvassing.

Sa mga nangunguna na sa bilangan, congratulations sa inyong lahat…

Sa mga nabigo… better luck next time!    

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top