Wednesday , July 17 2019
Breaking News
You are here: Home / News / 50% ng VRVMs sa Iloilo depeketibo rin — Comelec
50% ng VRVMs sa Iloilo depeketibo rin  — Comelec

50% ng VRVMs sa Iloilo depeketibo rin — Comelec

HINDI bababa sa kala­hati ng 2,572 Voter Regis­tration Verification Machines (VRVMs) sa lalawigan ng Iloilo ang nagkaroon ng mga aberya sa halalan kahapon Lunes, 13 Mayo.

Sinabi ni Atty. Roberto Salazar, Iloilo election supervisor, napil­tian ang Board of Election Inspectors (BEIs) na mag-manual verification ng voter registration bilang pagsunod sa protocol sa paggamit ng VRVM.

Layunin ng VRVM na mapabilis ang beripi­kasyon ng voter regis­tration sa pamamagitan ng fingerprint scan at hindi na kailanganin mag-manual search dahil agad malalaman ang kanyang pagkakakilanlan, ngunit hindi maka-log in ang mga BEI sa VRVM nang magbukas ang botohan bandang 6:00 am.

Ayon kay Lucy Grace Bepinoso, Department of Education (DepEd) Supervisor Official, lahat ng tatlong VRVM na nasa Jibao-an Elementary School sa bayan ng Pavia ay hindi gumagana.

Naantala rin ang pagsisimula ng halalan sa ilang bahagi ng lungsod ng Iloilo dahil sa mga depektibong VRMV sa gitna ng mataas na bilang ng mga botante.

Kabilang ang lala­wigan at lungsod ng Iloilo sa 14 lugar na nag-pilot test ang Comelec sa paggamit ng VRVM.

Ayon Salazar, 333 balota nag misdelivered, kabilang ang 220 balota na dapat ay para sa ba­yan ng San Enrique sa lalawigan ng Negros Occidental na napasama sa mga balotang ipina­dala sa bayan ng Anilao sa lalawigan ng Iloilo.

Samantala, naipadala sa bayan ng Badiangan ang 113 balotang dapat ay ipadadala sa bayan ng Miag-ao, parehong sa lalawigan ng Iloilo.

Gayanpaman, naipa­dala umano sa tamang destinasyon ang mga balotang ‘misdelivered.’

Sa kabila ng mara­ming ulat tungkol sa vote-buying, sinabi ni Salazar, isang sumbong lang ang kanilang natanggap hanggang Lunes nang hapon.

About hataw tabloid

One comment

  1. Hello there! I know this is somewhat off topic but I was wondering if
    you knew where I could find a captcha plugin for my comment form?
    I’m using the same blog platform as yours and I’m having problems finding one?
    Thanks a lot!

Leave a Reply

Your email address will not be published. Required fields are marked *

*

Scroll To Top