Thursday , May 23 2019
Breaking News
You are here: Home / Bulabugin / Irene del Rosario at Rey San Pedro tandem na inaasahan ng San Joseño
Irene del Rosario at Rey San Pedro tandem na inaasahan ng San Joseño

Irene del Rosario at Rey San Pedro tandem na inaasahan ng San Joseño

KRUSYAL ang desisyon ng mga residente sa City of San Jose del Monte, Bulacan sa Lunes, 13 Mayo para mailigtas sa kapariwaraan ang kanilag lungsod.

Marami ang nagsasabi na maunlad na ngayon ang San Jose del Monte, urbanisado at komersiyalisado.

Tama naman po ang mga nagsasabi niyan.

Pero gusto nating linawin na ang kaunlaran ay hindi nasusukat sa komersiyalisasyon ng isang lungsod o lugar.

Gaya nga nang nangyayari ngayon sa San Jose del Monte, komersiyalisado na pati ang kanilang tubig.

Mula sa ilalim ng San Jose Water District – LWUA, ang Prime Water na ngayon ang namamahala sa kanilang tubig.

Kung dati ay mababa lang ang binabayaran nila sa tubig, ngayon ang minimum pay ay umaabot na sa P223/month, kahit walang gumagamit ng tubig.

Hindi lang ‘yan, mas madalas na mahinang-mahina o walang tulo ang kanilang mga gripo mula nang mapunta sa Prime Water.

May panahon din umano na mabaho ang amoy ng tubig at napakalabo.

At isa po ‘yan sa tatrabahuin ng tandem na Del Rosario at San Pedro.

Ibabalik nila sa maayos na serbisyo ang tubig ng mga San Joseño.

Kung dati ay mahigpit na sinusuri ang pagpapasok ng mga realtor at commercial businesses sa lungsod ngayon todo-larga lang.

Kaya hindi na tayo nagtataka kung bakit lalong dumami ang subdibisyon ng mga Villar sa San Jose del Monte.

Very close raw kasi sina Madam Cynthia at Ate Rida. Hindi naman kaya puro Villar subdivision na ang San Jose del Monte?!

Papayagan ba ng mga San Joseño na tuluyang mapariwara ang kanilang lungsod?!

‘Yan ang aabangan natin sa Lunes, sa araw ng halalan sa 13 Mayo!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top