Monday , September 23 2019
Breaking News
You are here: Home / News / Sa isyu ng voting centers sa Sulo… Korte Suprema binatikos ng kongresista

Sa isyu ng voting centers sa Sulo… Korte Suprema binatikos ng kongresista

BINATIKOS ni Deputy Speaker at Sulo Rep. Munir Arbizon ang Korte Suprema sa tagal ng paglabas ng resoluyson patungkol sa isyu ng malalayong voting centers sa Sulo.

Ayon kay Arbison, malapit na ang eleksiyon pero wala pang resolu­syon ang Korte Suprema partikular na sa barangay ng Capual na may 3,000 rehistradong botante na bibiyahe nang ilang kilometro patungo sa daungan para makaboto.

Ayon kay Arbizon, sa Maimbong, 70 porsiyento ng mga botante ay naka-assign sa iisang voting center na kontrolado ng dating gobernador na si Sakur Tan.

Kamukha rin umano nito ang kaso sa mga barangay ng Lugus, Pata, Panamao at Kalinggalan Caluang, ani Arbizon.

Paliwanag ni Arbison, inayos na sana ng Comelec ang problema pero hinarang ni Tan sa pamamagitan ng peti­syon sa Korte Supre­ma na isinumite ng kanyang abogadong si Sixto Brillantes, dating Chair­man ng Comelec.

Ayon kay Arbizon, ang cluster sa mga presinto sa Sulo ay gina­wa noong panahon ni Brillantes sa Comelec.

Ani Arbison, ang kasalukuyang Comelec ay dapat hayaang mag-ayos kung saan ilalagay ang mga presinto.

ni Gerry Baldo

About Gerry Baldo

Leave a Reply

Your email address will not be published. Required fields are marked *

*

Scroll To Top