Saturday , July 20 2019
Breaking News
You are here: Home / Hataw Lifestyle / AP-PL magsusulong ng Operationalization ng National Student Loan Program

AP-PL magsusulong ng Operationalization ng National Student Loan Program

IPINALABAS na noong na­ka­­raang taon ang imple­menting guidelines ng National Student Loan Program (NSLP) ngunit hindi pa rin ito naisasakatuparan, kaya’t Ang Ang Probinsyano Party-list ay hinihikayat ang mga ahensiya ng gobyerno na gawin itong prayoridad para maumpisahan na.

Ayon ay Alfred Delos Santos, nominee ng Ang Probinsyano Party-list, “Ang pag-uumpisa ng progra­mang ito ay dapat maging prayoridad dahil ang kinabukasan ng libo-libong mga kabataan ang nakasa­lalay dito.”

Ang NSLP ay kabilang sa Universal Access to Quality Tertiary Education Act (Republic Act 10931, Section 8) na isinabatas noong 3 Agosto 2017.

Nararapat sana ay isa­sagawa ito katuwang ang mga banko at iba pang institusyon tulad ng Social Security System (SSS).

Sa NSLP, ang estu­dyante ay makapag-uumpi­sang magbayad ng kanyang inutang pangmatrikula kapag siya ay may trabaho na at kapag mataas na ang kanyang sinasahod.

Ang pagbabayad ng kanyang student loan ay awtomatikong ibabawas sa kanyang suweldo kasabay ng kanyang bayad sa SSS.

“Naniniwala po tayo na ang NSLP ay makakatulong sa maraming maralitang pamilyang Filipino, lalo na ang mga nasa probinsiya,” dagdag ni Delos Santos.

“Dapat natin silang iprayoridad dahil kulang ang kanilang pantustos, madalas kinakailangan nilang laging pumili, papapasukin ba sa eskuwelahan ang bata o bibili sila ng pang-araw-araw nilang kakanin. Sa NSLP, ang mga magulang ay magiging kampante na makapag-aaral pa rin hang­gang kolehiyo ang kanilang mga anak at magkakaroon sila ng mas magandang kinabukasan.”

Ayon sa report noong Nobyembre ng nakaraang taon na inilabas ng principal author at sponsor ng batas na si Albay Rep. Joey Salce­da, ang NSLP ay hindi naimplementa dahil sa kakulangan ng pondo. Maliit na bahagi lamang ng P1 bilyong initial allocation ang nailaan para sa programa.

“Hindi po ‘yan katang­gap-tanggap,” ani Delos Santos. “Maghahanap po tayo ng paraan para mapon­dohan ang programa, ‘yan ang ating agenda.”

Ang mga isusulong na batas ng Ang Probinsyano Party-list ay nakasentro sa pag-angat ng pamumuhay ng ating mga kababayan at paglalapit ng mga serbisyo ng gobyerno sa mga ordinaryong mamamayan lalo ang mga nasa probinsya.

“Siguraduhin po natin na ang mga probinsyano ay hindi mahuhuli. ‘Yan po ang ating pagsisikapan kapag pinalad po tayong makaupo sa kongreso,” pagtatapos na lahad ni Delos Santos.

Isang dahilan ang pagiging pro-edukaysong adbokasiya kaya inendoso ng sikat na aktor na si Coco Martin ang Ang Probinsyano Party-list. Inilinaw niya na ang Ang Probinsyano Party-list lamang ang kanyang sinusuportahan dahil naniniwala siya sa mga adhikain nito para sa mga mamamayang Pilipino lalo ang mga probinsyano.

About hataw tabloid

Leave a Reply

Your email address will not be published. Required fields are marked *

*

Scroll To Top