Thursday , March 28 2024

Aly in, Sheki out bilang center girl ng MNL48

MASAYANG-MASAYA si Aly o Jhona Alyanah Padillo na siya na ang pinakabagong Center Girl ng all-female group na MNL48. Dating Ranking at 26 sa first year’s General Election si Aly kaya naman ganoon na lamang ang pasasalamat niya sa fans na sumuporta sa kanya.

Ang dating Center Girl na si Sheki ay bumaba naman sa number 4 spot.

Ngayong taon, 48 sa 77 kandidata ang pinili ng fans sa pamamagitan ng isang voting system para maging opisyal na Second Year members ng MNL48 at si Aly ang nakakuha ng pinakaraming boto.

“Sobrang nakatataba po talaga ng puso. Hindi ko po talaga inaasahan ‘yung naging resulta kasi marami po akong kilalang deserving sa spot na ito.

“Kaya po ngayon bilang Center Girl, maaasahan po nilang gagawin ko ang best ko at magiging responsable sa aking posisyon. I take this as an opportunity po para maipakita pa ‘yung ibang side ko aside from my cute image,” pagtitiyak ni Aly.

Napunta naman sa second rank si Sela at rank 3 naman si Abby.

“It’s cliche pero kasi kapag nandito ka na ang hirap nang umalis because you love what you’re doing kaya nagpapasalamat ako sa fans ko na patuloy na naniniwala sa akin,” sambit naman ni Sela.

“Sobrang hirap po talaga mag-campaign lalo na’t may iniingatan kang imahe, hindi tulad noong First Generation na kung saan-saan kami pumupunta para magpa-vote. Ngayon hihintayin mo talaga kung sino ‘yung taong susuporta sa ‘yo.”

Samantala, hindi naman masama ang loob ni Sheki (Shekinah Arzaga) sa pagkakatanggal bilang Center Girl dahil una pa ma’y alam niyang hindi permanente ang pagiging CG ng MNL48.

“Una palang naman po talaga, sinabi na ng management na hindi po talaga ako permanent, hindi po palaging ako ang center.

“Lagi po nasa isip namin na kailangan din po natin ibigay sa ka-members po natin para lahat po kami magkaroon ng exposure, maipakita po namin ang mga talent namin,” esplika ni Sheki.

Aminado naman si Sheki na hindi siya pa sanay na hindi na siya ang CG. ”Aaminin ko po na hindi pa po ako sanay (na hindi na center girl) dahil one year din po ‘yun but it’s been an honor for me na maglingkod sa grupo. And ngayon na new chapter na, sana po patuloy pa rin ang maging suporta sa amin ng supporters namin.”

Sa kabilang banda, naghahanda na ang MNL48 para sa kanilang 4th single na iri-release na. Ang official ranking na ng MNL 48 ay ang sumusunod: Aly, Sela, Abby, Sheki, Sayaka, Jamie, Alice, Ash, Rans, Faith, Jan, Gabb, Jem, Kyla, Grace, at Rowee.

Si Thea na nasa 17th spot naman ang magli-lider sa Under Girls (Top 17-32) at bilang Center Girl sa side track ng susunod nilang single.

“I’m thankful po na maging Rank 17 at maging Center Girl ng coupling song ng fourth single dahil this time po maipakikita ko na ‘yung kakayahan ko unlike last year na limited lang ‘yung kaya kong ma-showcase kasi Rank 45 ako,” sambit ni Thea.

Ang mga miyembro namang nasa Top 16 o mas kilala bilang Senbatsu ang magpe-perform ng 4thsingle ng MNL48 na pangungunahan ng kanilang Center Girl na si Aly na ire-release sa July.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *