Saturday , July 20 2019
Breaking News
You are here: Home / Sports / Filipinas humahakot ng ginto sa Arafura Games
Filipinas humahakot ng ginto sa Arafura Games

Filipinas humahakot ng ginto sa Arafura Games

NILANGOY ni Ivo Nikolai Enot ang pangatlong gold medal sa pagpa­patuloy ng 2019 Arafura Games na ginaganap sa Parap Swim­ming Pool sa Dar­win, Australia.

Nanaig si 13-year-old at tubong Davao City, Enot sa men’s 13 to 14 year old 50-meter backstroke, umoras ito ng 29.80 seconds.

Sinilo ni Enot ang unang ginto sa 100-meter at 200-meter backstroke kung saan ang kampanya ng mga atleta ay suporta­do ng Philippine Sports Commission sa pamumu­no ni chairman William “Butch” Ramirez at Standard Insurance.

Naghari si Samuel Alcos, 21 sa men’s 17 ng 100-meter breaststroke at nagtala ng oras na isang minuto at 5.63 segundo, nahablot din niya ang gold medal sa 50-meter breast­stroke.

Pagkahablot ng dala­wang ginto, nangunguna ang Philippine swimming team sa may pinaka­mara­ming nasungkit na ginto, hawak nila ang 17 golds at nagdagdag ng tig 27 at 17 silver at 17 bronze medals ayon sa pagka­kasunod.

Nakalikom ang Filipinas ng ka­buuang 30-47-28 gold-silver-bronze.

Samantala, inumpisahan ng Philippine team ang paghataw sa preliminary round sa badminton, pinagulong nila ang Guangzhou, 8-0.

Kinalos ni Karylle Kay Molina si Lan Xu, 21-6, 21-9, sa women’s singles, nakipagkampihan din siya kay Estarco Bacalso sa mixed doubles para pag­pa­gin sina Yin Du at Chongwei Lu, 21-3, 21-3. (A. PRINCESS DAWA)

About hataw tabloid

Leave a Reply

Your email address will not be published. Required fields are marked *

*

Scroll To Top