Monday , September 23 2019
Breaking News
You are here: Home / News / Dalagita natagpuang tadtad ng saksak (Tiyuhin pinaghahanap)
Dalagita natagpuang tadtad ng saksak (Tiyuhin pinaghahanap)

Dalagita natagpuang tadtad ng saksak (Tiyuhin pinaghahanap)

PATULOY ang isina­sagawang imbestigasyon ng pulisya sa pagka­matay ng 14-anyos dala­gita na natagpuang tad­tad ng saksak sa loob ng bahay ng kanyang tiyuhin sa Valenzuela City, kamakalawa ng umaga.

Ayon kay Valenzuela police chief P/Col. David Nicolas Poklay, dead-on-arrival sa Valenzuela City Emergency Hospital (VCEH) ang biktimang si Clarisse Joyce Marcelo, residente sa P. Adriano St., Brgy. Malanday sanhi ng mga saksak sa iba’t ibang bahagi ng katawan.

Nadakip ng mga tauhan ng Valenzuela Station Investigation Unit (SIU) sa follow-up opera­tion ang tiyuhin ng bikti­ma na si Rusty Marcelo, 30 anyos, na itinuturing bilang pangu­nahing sus­pek sa pagpatay.

Sa natanggap na ulat ni Poklay, nadiskubre ang katawan ng biktima ng kanyang tiyahin na si Rosario Marcelo-Tumibay sa loob ng bahay ng sus­pek sa P. Adriano St., dakong 9:30 am na nalili­go sa sariling dugo.

Agad humingi ng tulong si Rosario sa ama ng biktima na si Danilo bago mabilis na isinugod ang kanyang anak sa naturang pagamutan.

Sinabi ng pulisya na huling nakita ang biktima na kasama ng kanyang tiyuhin na si Rusty habang patuloy ang masusing imbestigasyon ng mga pulis upang matukoy ang tunay na motibo sa insidente.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top