Thursday , September 23 2021

70-anyos retired Australian army arestado (Sa reklamong panggagahasa at pambubugaw)

INARESTO ng pulisya ang isang Australiano matapos ireklamo ng pananamantala at pambubugaw sa ilang kababaihan sa lungsod ng San Jose del Monte (SJDM), Bulacan.

Sa ulat mula kay P/Lt. Col. Orlando Castil Jr., hepe ng San Jose del Monte City police, ang dayuhang sus­pek ay kinilalang si Ronald Ian Cole alyas Ric o Daddy Ric, 70-anyos, at tubong Victoria, Australia.

Napag-alamang si alyas Daddy Ric ay isang retired Australian Army at piniling manirahan sa Filipinas kung saan ay nakatira siya ngayon sa Blk. 31, Lot 2 Area C, San Martin 2, SJDM City.

Sa naturang lugar ay sinasabi na may mga kaba­baihang minolestiya si alyas Daddy Ric bukod sa ibinubu­gaw niya para pagka­pera­han.

Matapos magpositibo ang reklamo ay kumilos ang mga tauhan ng SJDM City police at inaresto ang dayu­han sa tahanan nito sa Brgy. San Martin.

Kasalukuyang naka­detine si alyas Daddy Ric sa SJDM CPS Custodial Facility at ngayon ay nahaharap sa mga kasong rape at qualified rrafficking.

(MICKA BAUTISTA)

About Micka Bautista

Check Also

Doktora sa Abra niratrat patay sa atake sa puso

SUGATAN ang isang doktor, ngunit binawian ng buhay kalaunan nang atakehin sa puso, matapos pagbabarilin …

Leave a Reply

Your email address will not be published. Required fields are marked *