Thursday , March 28 2024
dead gun police

Selosong basurero todas sa guwardiya

PATAY at wasak ang mukha ng isang basurero makaraang barilin ng shotgun sa mukha ng guwardiyang kanyang pinagbantaang silaban sa Quezon City, nitong Lunes ng hapon.

Kinilala ni P/Capt. Roldan Dapat ng Criminal Investigation and Detection Unit (CIDU) ng Quezon City Police District (QCPD) ang biktima na si Mario Palma Nabia, 40, may live-in partner, basurero at walang permanenteng tirahan.

Agad naaresto ang suspek na si Merline Jovi Casas, 20, binata, security guard ng  X-Pert Security Agency, residente sa Malabon City, at stay-in sa abandonadong Man­darin International Buil­ding na matatagpuan sa Landragon St., corner G. Araneta Ave., Brgy. Santol, QC.

Sa imbestigasyon ni P/SSgt. Julius Raz ng CIDU, ang krimen ay nangyari dakong 3:05 pm (29 Abril), sa bina­ban­tayang abandonadong gusali ng suspek.

Batay sa pahayag sa pulisya ng nakasaksing si Efren Salem, abala siya sa pagtitinda ng mami sa labas ng gusali nang  ma­ri­nig at makitang lasing ang biktima habang inaa­way ang kaniyang live-in partner na kinilalang si Linda Bosalana dahil sa selos.

Nang hindi suma­sagot si Bosalana, at sa hindi malamang dahilan, nagulat ang guwar­diya nang pagbalingan siya ni Nabia.

Hinarap ng biktima na may hawak na tubo at lata na may “urethane thinner” si Casas.

Inutusan ng biktima ang guwadiya na iwanan ang kaniyang binaban­tayang gusali at kapag hindi sumunod ay sasa­buyan siya ng thinner sa mukha at saka sisilaban.

Bunsod nito, sunud-sunod na pinaputukan ng shotgun ng guwar­di­ya ang biktima sa mukha at dibdib. Hinala ng awtori­dad, posibleng ang guwardiya ang pinag­seselosan ng biktima na kalaguyo ng kaniyang live-in partner kaya kaniyang kinom­pronta.

(A. DANGUILAN)

About Almar Danguilan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *