Friday , March 29 2024
STL PCSO money
STL PCSO money

Perya ng bayan ni Peri-Peri at jueteng ni TePang todo-largado sa QC! (STL ng PCSO bagsak sa Kyusi)

TILA ‘kumakalansing na barya’ ang operasyon ngayon ng Small Town Lottery (STL) ng Philippine Charity Sweepstakes Office (PCSO) sa Quezon City.

Sa pagkakaalam natin, itong STL ng PCSO ay isa sa malaking pinagkukuhaan ng pondo ng gobyerno.

E paano pala kung tila ‘kumakalansing na barya’ ang operasyon ng STL sa Kyusi?!

Kaya pala parang kinakapos na ang medical assistance ng PCSO sa ating mga kababayan.

Ibig bang sabihin mas kamal-kamal ang kinikita ng mga ilegal ang operasyon?             

Mukhang kinompirma ito ng PCSO sa kanilang paid ad na Notice to the Public na nag-aabisong ilegal ang operasyon ng Peryahan Games o Peryahan ng bayan.

Ang dalawang operasyon ay nasa ilalim ng prankisa at pamamahala ng Globaltech Mobile Online Corp., pero terminado na ito dahil ang kanilang Deed of Authority (DOA) ay matagal nang napaso.

Noon pang 31 Marso 2016. Kaya ibig sabihin, halos tatlong taon nang walang bisa ‘yan.

Ibig sabihin, wala nang binibigyan ng awtorisasyon ang PCSO na mag-operate ng Peri ‘este Peryahan ng Bayan. Kahit na sino at kahit saan, dahil paso na nga ang DOA.

Bukod diyan, hanggang noong 23 Enero 2019 ay umabot na sa P506 milyones kabilang ang ipinataw na penalties, ang hindi pa rin naire-remit ng Globaltech.             

Nabisto rin na maraming paglabag sa Implementing Rules and Regulations (IRR) sa ilalim ng DOA gaya ng hindi paggamit ng resibo at sa halip ay isinusulat lang sa papel gaya sa jueteng ang taya ng mga mananaya.

Ibig sabihin, matagal nang hindi pinapayagan ng PCSO ang operasyon ng Peryahan ng Bayan.

Pero ang nakapagtataka, bakit tuloy-tuloy lang daw ang operasyon ng Peryahan ng Bayan ni Peri-peri sa Kyusi?!

Ganoon din ang operasyon ng jueteng ni TePang sa Kyusi na ginagaya naman ang operasyon ng STL?!

Katuwiran umano nitong sina Peri at TePang, ‘naatasan’ silang lumarga para sa pondo ni alyas ‘Mayora.’

OMG! Sinong alyas ‘Mayora’ ‘yan?!

By the way, hindi lang daw si alyas ‘Mayora’ ang pinopondohan ni ‘Peri’ at ni ‘TePang’ madalas din umano silang may ‘padala’ o parating para kay General.

E sino naman kayang ‘General’ ‘yan!?

Ayaw na ayaw nina PNP chief, P/Gen. Oscar Albayalde at NCRPO chief, P/BGen. Guillermo Eleazar nang ganyan!

Magpaliwanag kayo Peri at TePang!

May pahabol nga pala ang PCSO, kapag napatunayan na ‘nakasawsaw’ ang mga kamay ng kung sinong alyas ‘Mayora’ sa operasyon nina Peri at  TePang, tiyak na tiyak, pananagutin sila sa ilalim ng Republic Act 9287, (An act increasing the penalties for illegal numbers games, amending certain provisions of Presidential Decree No. 1602, and for other purposes).

Arayku!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About hataw tabloid

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *