Monday , September 23 2019
Breaking News
You are here: Home / News / Driver kulong sa dalagitang minolestiya

Driver kulong sa dalagitang minolestiya

KULONG ang isang 40-anyos lalaki matapos irekla­mo ng pangmomolestiya sa 12-anyos dalaginding ha­bang nakikipaglaro ang biktima sa mga kaibigan sa Valenzuela City.

Nahaharap sa kasong acts of lasciviousness in relation to RA 7610 o Child Abuse Law ang suspek na  kinilalang si Dionisio Bayoca, driver at residente sa  Yakal St., Old Prodon, Brgy. Gen. De Leon ng nasabing lungsod.

Batay sa ipinadalang ulat ng Valenzuela Police Women and Children’s Protection Desk (WCPD) kay Valenzuela police P/Col. David Nicolas Poklay, dakong 7:00 pm naganap ang pangigigil ng suspek sa dalagitang itinago sa pangalang Marie.

Nakikipaglaro umano ang biktima sa mga kapit­bahay sa labas ng kanilang tahanan nang biglang hab­lutin ng suspek ang kanyang kamay at mahigpit na niya­kap bago pinupog ng halik ang pisngi.

Sa kabila ng naram­damang takot, nagawang makapiglas ng biktima at nagtatakbo papasok sa kanilang bahay saka nagku­long sa kanyang silid.

Kamakalawa ng hapon, napansin ng tiyahin ng bik­tima ang kanyang pamang­kin na hindi naglaro sa labas ng bahay at tila may kina­tatakutan kaya’t pinilit niyang usisain ang bata.

Nang matuklasan ng tiyahin ng biktima ang pangyayari, kaagad siyang humingi ng tulong sa pulisya na nagresulta sa pagka­kadakip sa suspek.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top