Tuesday , May 21 2019
Breaking News
You are here: Home / News / Store owner itinumba ng 2 armado
Store owner itinumba ng 2 armado

Store owner itinumba ng 2 armado

SA hindi malamang dahilan biglang pinagbabaril ng dalawang armadong lalaki ang isang ginang na store owner habang sugatan ang kausap nitong dalawang  babae nang tamaan ng ligaw na bala, nitong gabi ng Miyerkoles sa Taguig City.

llang tama ng bala sa iba’t ibang bahagi ng katawan nang hindi batid na kalibre ng baril, ang tumama sa ginang na si Rowena Calderon, nasa hustong gulang, residente sa A. Reyes St., Bgy. New Lower Bicutan ng naturang lungsod.

Ginagamot sa Taguig-Pateros District Hospital sina Lucile Bugarin, 38, may sugat sa kanang binti, at Rosemarie Ormita, 43, tinamaan ng ligaw na bala sa kanang paa.

Sa report na natanggap ni Taguig police chief P/Col. Alexander Santos, naganap ang insidente dakong 7:25 pm kamakalawa sa nabanggit na lugar.

Nag-uusap ang tatlong ginang sa tindahan na pag-aari ng biktima pero hindi nila namalayan ang  pagdating ng dalawang lalaki na armado ng baril.

Agad pinagbabaril ng dalawa si Calderon na ikinamatay nito habang tinamaan ng ligaw na bala ang kausap na sina Bugarin at Ormita.

Matapos barilin si Calderon dali-daling tumakas  ang dalawang sus­pek.

Iniimbestigahan ng pulisya ang motibo nang pama­maril. (J. GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top