Friday , March 29 2024

Paa ipinaputol ng saleslady para makaligtas (Sa gumuhong Chuzon Supermarket)

PINILI ng isang 25-anyos babae na ipaputol ang kani­yang paa upang makaligtas mula sa pagkakaipit sa gumuhong Chuzon Super­market sa bayan ng Lubao sa lalawigan ng Pampanga sanhi ng magnitude 6.1 lindol kamakalawa, Lunes, 22 Abril.

Tatlong oras nakulong sa loob ng gusali ng Chuzon Supermarket si Maria Martin, kung saan siya ay dalawang taon nang nagtatrabaho bilang tindera ng cellphone.

Nabatid na hindi agad siya nakalabas ng gusali nang lumindol dahil naipit ang kaniyang paa ng mga bumagsak na concrete debris.

Kuwento ni Martin, puputulin na sana niya ang sariling paa, gamit ang nakita niyang tila isang kutsilyo upang makaalis mula sa pagkakaipit sa gumuhong gusali.

Natagpuan ng mga rescuer sa ground floor si Martin na agad sinalinan ng dugo ng mga nagres­pon­deng doktor sa mismong site dahil sa duguang ulo.

Pumayag umano si Martin na putulin ng mga nag­respondeng doctor ang kaniyang kanang paa mula tuhod upang mailabas siya mula sa gusali.

Aniya, para sa kaniyang pamilya at sa kaniyang buhay kaya pumayag siyang putulin na lang ang naipit na paa.

Muling dadaan sa isang sa operasyon si Martin upang matiyak ang kalig­tasan sa naputol na paa.

“Kung ‘di kasi puputulin ang paa doon siguro tining­nan nila ‘yung viability ng leg na nakaipit, baka lumala pa ‘yung injury niya. So we need to extricate,” ani Dr. Monserrat Chichioco, medical center chief ng Jose B. Lingad Memorial Hospital.

Isa si Martin sa 16 ka­tao na pawang biktima ng lindol na isinugod sa natu­rang pagamutan.

May mga itinalagang trauma rooms ang ospital kung saan dadalhin ang lahat ng mga naging biktima sa lindol.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *