Friday , March 29 2024

LRT 1 & 2, MRT-3, PNR bumiyahe na kahapon

PAWANG “fit for operations” kaya’t balik na sa normal ang opera­syon ng mass railway system sa bansa kabilang ang Light Rail Transit (LRT) Lines 1 at 2, Metro Rail Transit (MRT-3) at Philippines National Railways (PNR) kahapon ng umaga.

Inihayag ito ng Depart­­ment of Tran­sportation (DOTr), mata­pos masiguro na pawang “fit for operations” ang mga naturang linya ng tren.

“With structural and track inspections com­pleted for LRT-1 (@officialLRT1), LRT-2 (@OfficialLRTA), MRT-3 (@dotrmrt3), and PNR, all lines were found fit for operations,” ayon sa DOTr.

Nitong Lunes nang hapon dakong 5:11 pm, niyanig ng magnitude 6.1 lindol, ang ilang bahagi ng Luzon, kabilang ang Metro Manila.

Ipinag-utos ng DOTr na itigil muna ang ope­rasyon ng mga naturang linya ng tren upang matiyak ang kaligtasan ng kanilang mga pasahero.

Sinabi ni Tran­spor­tation Assistant Secretary for Communications God­dess Libiran, bilin ni Secretary Arthur Tugade ay busisiin muna kung mayroong napinsala at tiyaking ligtas ang buong linya bago muling patakbuhin ang mga tren.

“Ang instruction po ni Secretary Tugade kahapon right after the earthquake ay ipatigil muna ang operasyon ng ating mga linya following the NDRRMC protocol,” ani Libiran.

Agad ini-assess ng safety engineers ang mga linya at nang matiyak na walang pinsala o iba pang rason para ipatigil ang operasyon ng mga tren, ay ipinag-utos ang pagbabalik-biyahe nito.

Inilinaw rin ni Libiran na ang bitak na nakita sa LRT Recto Station ay existing damage o dati nang pinsala at walang kinalaman sa lindol.

Dakong 5:30 am nang pahintulutan ng DOTr na muling bumiyahe ang mga tren ng mass railway systems matapos ang isinagawang structural at track inspections.

(JAJA GARCIA)

About Jaja Garcia

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *