Tuesday , May 21 2019
Breaking News
You are here: Home / News / Grace Poe, sure na No. 1 senatoriable
Grace Poe, sure na No. 1 senatoriable

Grace Poe, sure na No. 1 senatoriable

MALAKI ang paniniwala ng mga eksperto sa politika na hindi na matitibag at sigurado nang magiging No. 1 sa nalalapit na May 13 elections si Senadora Grace Poe.

Ayon kay STORM political strategist Perry Callanta, malaking bagay ang “FPJ Magic” kaya mabango sa mga botante si Sen. Poe bilang No. 1 senatoriable.

“Walang makatitibag kay Sen. Grace Poe bilang No. 1 senatoriable, para mabakbak mo siya bilang topnotcher ay kailangang imaniobra ang resulta ng survey at walang maniniwala lalo’t consistent siyang No. 1,” ani Callanta.

Ganito rin ang paniniwala ni Cavite statistician Jane Porter dahil malakas ang batak sa tao ni Sen. Poe dahil sa kanyang amang si Fernando Poe Jr., at marami pa rin ang nakikisimpatiya sa pagkatalo noong 2004 sa pamamagitan ng dagdag-bawas.

“Kung pag­babatayan ang resulta ng lahat ng survey, pina­kahuli ang isina­gawang nation­wide survey ng grupong Mag­dalo na inilabas ni Senador An­tonio Trillanes IV nitong Lunes, tiyak nang ma­ngu­nguna si Sen. Grace Poe sa mga kandi­datong senador sa midterm elections sa Mayo 13, 2019,” ani Porter.

Laging nangingibabaw ang pangalan ni Poe bilang top choice for senator sa survey ng Pulse Asia, Social Weather Station, The Center, Publicus, Radio Mindanao Network, Radio Veritas at No. 1 maging sa isinagawang 2019 mock election sa Polytechnic University of the Philippines, Sta. Mesa, Maynila kamakailan.

Si Poe ay nakakuha ng rating na 60.4 percent mula sa 3,000 respondents na lumahok sa Magdalo survey noong 2-4 Abril.

Ang mga respondent sa nationwide survey ng Magdalo ay binigyan ng listahan ng mga kandidato sa pagka-senador at may tanong na: “Kung ngayon gagawin ang eleksiyon sa pagka-senador, sino sa mga sumusunod na kandidato ang inyong iboboto? Pumili hanggang 12 na kandidato.”

About hataw tabloid

Leave a Reply

Your email address will not be published. Required fields are marked *

*

Scroll To Top