Friday , July 19 2019
Breaking News
You are here: Home / News / Video ng dalagang nakahubad bantang ikalat kelot arestado
Video ng dalagang nakahubad bantang ikalat kelot arestado

Video ng dalagang nakahubad bantang ikalat kelot arestado

KALABOSO ang isang lalaki sa Bulacan matapos ireklamo ng isang dalagang kanyang pinagban­taang ikakalat ang video ng katawang hubad.

Sa ulat mula kay P/Col. Chito Bersaluna, Bulacan police director, ang suspek ay kinilalang si Aldrin Pingol, 21-anyos.

Nabatid na pinagbantaan ni Pingol na ia-upload ang video ng hubad na katawan ng biktima kung hindi papayag na makipagtalik sa kanya. Sinasabing na­ging magka­ibigan ang suspek at biktima sa online hanggang mag­ka­palagayang loob.

Dahil sa ipina­kitang kaganda­hang loob ay labis na nagtiwala ang biktima sa suspek hanggang bandang huli ay hindi niya natanggihan nang humingi ng mga hubad niyang larawan.

Sa huli ay napagtanto ng biktima na nahulog lang siya sa patibong ng lalaki dahil kinulit na siya nito na magtalik sila, bagay na tinanggihan niya.

Dito na pinagbantaan ng suspek ang biktima na ikakalat ang video ng hubad na katawan ng biktima kundi hindi makikipagtalik sa kanya.

Nagpasya ang biktima na isumbong sa himpilan ng Malolos police ang pangyayari na nagresulta sa pag-aresto sa suspek.

Kasalukuyang nakakulong ang suspek sa Malolos City Jail at nahaharap sa kasong paglabag sa RA 995 o Anti-Photo and Voyeurism Act.

(MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top