Saturday , April 20 2019
Breaking News
You are here: Home / News / Grace Poe, lagare sa kampanya kahit matatag sa No. 1
Grace Poe, lagare sa kampanya kahit matatag sa No. 1

Grace Poe, lagare sa kampanya kahit matatag sa No. 1

TULOY ang pukpukang kampanya ni Senadora Grace Poe kahit hindi siya matibag sa number one spot ng pre-election surveys.

Sinabi ni Poe, marami pa siyang lugar na kailangan suyurin sa nalalabing isang buwan ng kampanya bago ang May 13 midterm elections.

“‘Yung mga gusto kong puntahan sa kampanya na ‘to marami pang lugar, sa Mindanao, sa Visayas at mga liblib na lugar sa Luzon,” ayon sa senadora na nangampanya kamaka­lawa sa Lanao del Sur.

Ani Poe, magpa­pa­hinga lamang siya sa panahon ng Semana Santa upang sumama sa tradi­syonal na ginagawa ng kanilang pamilya na Visita Iglesia.

“Dito lang sa bahay kasama ng pamilya ko, ‘yung traditional na gina­gawa namin, Visita Iglesia, pero hindi ako maka­kabakasyon hangga’t hindi matapos ang kampanya,” dagdag ni Poe.

Sa March 2019 survey ng Pulse Asia, nama­yagpag si Poe sa number one spot at malaki ang lamang sa puma­pangalawang kandidato.

“Ang survey naman paiba-iba ‘yan.  So sa tingin ko ang edge na lang natin kung anuman ang nagawa natin sa Senado. At hindi ko ipagkakaila, siyempre si FPJ pa rin. ‘Yun ang naaalala ng mga tao lalo na ang mga nasa probinsiya, very senti­mental ang mga tao roon,” paliwanag ni Poe.

About hataw tabloid

Leave a Reply

Your email address will not be published. Required fields are marked *

*

Scroll To Top