Saturday , April 20 2019
Breaking News
You are here: Home / News / Apela sa Semana Santa: ‘Political ceasefire’ muna — Imee

Apela sa Semana Santa: ‘Political ceasefire’ muna — Imee

NANAWAGAN ngayon si senatorial bet at Ilocos Norte Governor Imee Marcos sa lahat ng magkakalabang politiko na pairalin muna ang isang “political ceasefire” sa nalalapit na paggunita ng Semana Santa o Holy Week.

Ayon kay Marcos, makabubuting itigil na muna ang mga alitan at batikusan ng magkaka­labang politiko sa pana­hon ng kampanya para higit na makapagnilay ang bawat isa bilang mga Kristiyanong naniniwala kay Hesu Kristo.

“Siguro naman hindi kabawasan sa ating lahat na kahit sandali ay makapag­nilay tayo lalo na ngayong Holy Week. Magkaisa tayo at kilalanin ang paghihirap ni Hesu Kristo,” paliwanag ni Marcos.

Ang panawagan ni Marcos ay bunsod na rin ng tumitinding tensiyon bunga ng nakatakdang halalan lalo sa mga lala­wigan kung saan mahigpit ang labanan ng magka­kalabang kandidato.

“Dapat ‘political ceasefire’ muna tayo!  Kahit na paano, malaking tulong ito kung sa pagsapit ng Holy Week ay magkaisa tayong lahat kabilang na ang ating constituents, at maging daan para lalong maging mapayapa ang darating na eleksiyon sa Mayo13,” panawagan ni Marcos.

Idinagdag ni Marcos, ang anumang uri ng karahasan ay hindi mangyayari sa panahon ng eleksiyon kung ang bawat magkakalabang politiko ay magkakaisa bilang mga Kristiyano at isasabuhay ang paghihi­rap ni Hesu Kristo nga­yong Semana Santa.

HATAW News Team

About hataw tabloid

Leave a Reply

Your email address will not be published. Required fields are marked *

*

Scroll To Top