Wednesday , May 22 2019
Breaking News
You are here: Home / Showbiz / Janine, naaksidente
Janine, naaksidente

Janine, naaksidente

NASANGKOT sa isang minor accident ang Kapuso actress na si Janine Gutierrez bago mag-alas dos ng umaga noong Lunes, April 1, sa bandang Ortigas Avenue.

Papunta si Janine sa taping ng GMA fantaserye, Dragon Lady na siya ang bida, nang mabangga ng isang fire truck ang Dodge Durango niya na minamaneho ng kanyang driver; nasa passenger seat sa likod ng sasakyan si Janine.

Mabuti na lamang at  hindi naman nasaktan o nagalusan ang aktres at ang kanyang driver.

Hindi naman, medyo ano lang, naalog,” pahayag ng dalaga.

Iyon nga lang sira ang bumper, tire rod, at ilan pang parts ng unahang bahagi ng sasakyan ni Janine.

Wala ring nasaktan sa mga sakay ng bumbero.

Kinailangang i-tow at dalhin sa talyer ang sasakyan ni Janine dahil hindi ito puwedeng imaneho.

At kahit nanginginig pa ay dumiretso pa rin si Janine sa set ng Dragon Lady. 

Ironically, sa isang eksenang kinunan sa taping ay isang kaparehong firetruck na nakabangga sa sasakyan ni Janine ang nasa set at may mahalagang papel sa eksena.

Rated R
ni Rommel Gonzales

About Rommel Gonzales

Leave a Reply

Your email address will not be published. Required fields are marked *

*

Scroll To Top