Thursday , March 28 2024

Bingbong may kulong sa pork scam

IPINAMAMADALI ng Quezon City for Good Governance (QCGG) sa Sandiganbayan ang desisyon sa kasong isi­nampa ng Office of the Ombudsman laban kay Rep. Vincent “Bing­bong” Crisologo kaug­nay ng pork barrel scam na kinasasang­kutan nito.

Ayon sa QCGG, Oktubre 2017 pa nang kinasuhan si Crisologo matapos madiskubreng naglaan ng P8 milyon sa isang bogus NGO noong 2009.

Sa isinampang kaso ni former Ombudsman Conchita Carpio Mora­les, si Crisologo ay dala­wang beses lumabag sa Repub­lic Act 3019 o Anti-Graft and Corrupt Prac­tices Act bukod pa ang mal­versation of public funds at dalawang ulit pang palsipikasyon ng public documents.

Kasama ni Crisologo sa mga kinasuhan ng Ombudsman sina dating DSWD secretary Espe­ranza Cabral, DSWD undersecretaries Mateo Montano, Lualhati Pablo, Assistant secretary Vilma Cabrera, Chief Accoun­tant Leonila Hayahay at Assistant director Pacita Sarino.

Ang opisyal din ng bogus NGO na Kalookan Assistance Council, Inc (Kaci) na si Cenon Mayor ay kinasuhan ng Ombud­sman bilang beneficiary ng P8 milyong pondo mu­la sa pork barrel ni Crisologo.

Ayon sa Ombudsman, lumitaw sa pag-iimbestiga ng Task Force PDAF, na inendoso ni Crisologo ang KACI na mangasiwa ng imple­mentasyon ng social ser­vices project gaya ng pagkargo sa medical and hospitalization, tran­sportation, calamity, death, burial, educa­tional expenses at iba pang program gayong hindi naman ito lehi­timong organisasyon.

Maging ang supplier ng KACI na Silver A. Enterprises ay hindi rin nakarehistro bilang busi­ness entity na lalong nagpatindi sa panana­gutan ng kongresista sa paglalaan ng P8 milyon sa bogus NGO.

“Kung iyong ibang senador ay nakulong dahil sa alegasyon ng paglaan ng pondo sa pekeng NGO, bakit si Congressman Crisologo ay nasa laya pa rin?” tanong ng QCGG.

Nanawagan din ang QCGG sa Sandigan na huwag pairalin ang selective justice kung talagang gusto nitong magkaroon ng malinis na pamahalaan.

 

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *