Friday , April 26 2019
Breaking News
You are here: Home / News / Malasakit Center tuloy kahit tapos ang term ng Pangulo — Bong Go
Malasakit Center tuloy kahit tapos  ang term ng Pangulo — Bong Go

Malasakit Center tuloy kahit tapos ang term ng Pangulo — Bong Go

NAIS ni dating Special Assistant to the President (SAP) Sec. Bong Go na tuloy ang serbisyo ng mga Malasakit Center sa bansa kahit tapos na ang termino ng Pangulong Rodrigdo Duterte sa taong 2022.

Si Go ang founder ng mga Malasakit Center na makikita sa iba’t ibang pampublikong pagamutan ang madalas lapitan ngayon at hingan ng tulong ng mga maysakit na mahihirap na Filipino.

Sinabi ni Go, libre ang konsulta at libre rin ng gamot sa 24 Malasakit Center nationwide kaya walang dahilan at alinlangan ang mga may sakit upang hindi sila magtungo sa hospital para magpatingin ng kanilang mga karamdaman.

Kung dati ay takot magpa­ospital ang mga pasyente dahil wala siyang pambayad, ngayon ay araw-araw na dinudumog ang mga “one stop shop” na Malasakit Center sa bansa.

Ayon kay Go, sa oras na siya ay palaring maging senador ay babalangkas siya ng mga batas na magbibigay ng malaking pondo sa mga pampublikong pagamutan upang kahit tapos na ang termino ng Pangulong Digong ay tuloy-tuloy ang serbisyo ng mga itinayo niyang Malasakit Center sa bansa.

Makikita sa Malasakit Center ang mga tauhan ng PCSO, PAGCOR, PhilHEALTH, DOH, SSS at DSWD na siyang sasagot sa hospital bill at iba pang gastusin ng isang mahirap na pasyente.

About hataw tabloid

Leave a Reply

Your email address will not be published. Required fields are marked *

*

Scroll To Top