Thursday , July 18 2019
Breaking News
You are here: Home / News / 2 kilong ‘damo’ nakompiska sa Kyusi
2 kilong ‘damo’ nakompiska sa Kyusi

2 kilong ‘damo’ nakompiska sa Kyusi

DALAWANG kilong pinatuyong dahon ng marijuana ang nakom­piska ng mga operatiba ng Quezon City Police District – Fairview Police Station 5 sa buy bust operation sa Brgy. Greater Lagro, kamakalawa ng gabi.

Sa operasyon, ayon kay Supt. Benjamin Ga­briel Jr., naunang nadakip sina Mario Castro, 19, Mark Stephen Gamuyao, 21, Orlando Purganan, 18, at isang 17-anyos lalaki.

Sila ay dinakip da­kong 9:00 pm sa harap ng Flixz Hotel sa Quirino Ave., Brgy. Greater Lagro.

Sa imbestigasyon, ikinanta ng mga nadakip na ang kanilang pinag­kukuhaan ng damo ay sina Oliver Barbin, 21, ng San Mateo, Rizal, at Shella Burbano, 20, kaya sila ay nadakip sa loob ng hotel.

Nakompiska sa mga suspek na pawang resi­dente sa Caloocan City ang dalawang kilo ng marijuana na nagka­kahalaga ng P301,500, isang kulay asul na Ford Eco Sport ( ATA 7284), buy bust money at 9 bala ng shotgun na nakuha kay Barbin. (Almar Danguilan)

About Almar Danguilan

Leave a Reply

Your email address will not be published. Required fields are marked *

*

Scroll To Top