Thursday , April 25 2024
Bulabugin ni Jerry Yap
Bulabugin ni Jerry Yap

Diplomang Princeton ba o UP Diliman ang rekesitos sa Senado?!

KAKATWA na nagiging malaking isyu ngayon ang tungkol sa ‘diploma’ ni dating Gov. Imee Marcos.

Hanggang ngayon yata ay hindi nawawala sa social media ang mga ‘meme’ na hindi umano totoong nakatapos sa kanyang pag-aral sa UP College of Law at sa Princeton University sa New Jersey USA si Gov. Imee.

‘Yung ganitong pagpapalutang ng isyu, halatang ‘propaganda’ na ang layunin ay pag-usapan ang isang tao sa negatibo o positibong paraan.

Pero sabi nga, sa politika, good or bad publicity is publicity pa rin. Kaya ibig sabihin nakatutulong pa rin ito sa pagpapatampok sa subject person.

Isa pang punto, bakit ba pinagdidiinan ang diploma? Rekesitos ba sa pagtakbo ang diploma?!

Hindi naman ‘di ba?!

Bakit hindi isalang si Gov. Imee sa isyung may nagawa ba siya o wala sa kanyang lalawigan?!

Maasahan ba siyang senadora kung sakali?! Ano ang mga panukala na balak niyang isalang sa Senado kung sakaling siya’y mananalo?!

Dapat ganoon ang pinag-uusapan.

Hindi ‘yung halata namang ginagamit na propaganda ang isyu.

Sino man ang gumawa niyan, masasabi nating mahinang klase.

Sina Lito Lapid at Manny Pacquiao, umabot ba sila sa mataas na antas ng pag-aaral?! Hinanapan ba sila ng diploma ng mga bumoto sa kanila?!

Alam naman nating hindi, kaya puwede ba, magtuon sa totoong isyu na kapupulutan ng aral ng ibang botante lalo ng mga kabataang botante, huwag ‘yung mga isyung wala namang kaisyu-isyu.

Malayo pa ang halalan, mahaba pa ang panahon para timbang-timbangin ang inyong mga boto…

Ayos ba mga suki?!

Luma man ang kasabihang “vote wisely” pero sa totoo lang, mahalaga ang ganitong klase ng paalala.

Huwag pong kalilimutan!

         

HAZARD PAY
PARA SA DepEd
MEDICAL OFFICER
NAWAWALA?

ILANG reklamo ang ipinaabot sa inyong lingkod hinggil sa isyu ng tila nawawalang hazard pay ng mga medical officer at nurse sa Department of Education (DepEd)  sa Tayabas, Quezon

Ang hinahanap nilang hazard pay ay ‘yung para sa 2018.

Ang rason daw ay dahil hindi sila considered as public health workers. ‘Yan ay kahit may DOH certificate na sila ay entitled sa ilalim ng Magna Carta.

Pakiamoy-amoy na nga ng isyung ito, Secretary Leonor Briones, mukhang may kakaibang kaganapan sa DepEd Tayabas.

Sabi ng isang taga-Philhealth na nakausap natin, sila ay nakatatanggap ng hazard pay kaya dapat lang na ipagkaloob sa mga nurse at medical officer ng DepEd ang para sa kanila.

Again, paging Secretary Briones!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Textbook crisis, solusyonan

FIRING LINEni Robert B. Roque, Jr. PANAHON na bang bitiwan ni Vice President Sara Duterte-Carpio …

FIRING LINE ni Robert B. Roque, Jr.

Sinong gustong dumaan sa EDSA Carousel?

FIRING LINEni Robert B. Roque, Jr. PARA sa mga nagdududa sa ‘kasagradohan’ ng EDSA Carousel …

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Dragon Lady Amor Virata

Ikot-ikot na para sa 2025 local elections

Isumbong mokay DRAGON LADYni Amor Virata IBA’T IBANG pakulo o propaganda na ang sinisimulan ng …

AKSYON AGAD ni Almar Danguilan

QCPD nakapagtala ng 82.61% Crime Solution Efficiency sa nagdaang Semana Santa

AKSYON AGADni Almar Danguilan SADYANG hindi maiwasan na saluduhan ang Philippine National Police (PNP) sa …

Leave a Reply

Your email address will not be published. Required fields are marked *