Monday , May 20 2019
Breaking News
You are here: Home / News / Manicad: Bagong dugo kailangan sa Senado
Manicad: Bagong dugo kailangan sa Senado

Manicad: Bagong dugo kailangan sa Senado

NANAWAGAN ang broad­cast journalist at kandidato para sa Senado na si Jiggy Manicad na kailangan ng bagong dugo sa Senado upang magpatupad ng mga makabagong ideya at malikhaing solusyong tutu­gon sa mga problema ng bansa.

Si Manicad, isang batikang mamamahayag na ngayon lamang sumabak sa politika, ay partikular na nag­susulong ng agarang repor­ma sa sektor ng agrikultura at sa mga kasunduang magpapabuti ng trato sa oversesas Filipino workers (OFWs) na nagtatrabaho sa ibang bansa.

Dahil marami sa kan­yang mga kapwa kandidato ay nakapagserbisyo na sa Senado, naniniwala si Manicad na kailangan din ng mga bagong mukha upang i-”complement” ang kara­nasan ng mga beteranong mambabatas.

“The Senate needs new blood, fresh ideas and the political will to institute reforms,” pahayag ni Mani­cad na isa sa mga pinaka­batang kandidato para sa Senado sa darating na halalan.

Kabilang sa mga repor­mang kanyang isinusulong ang pagpaparami ng mga “Bagsakan Center,” pag­sasagawa ng mas mara­ming farm-to-market roads, paggamit ng bagong tekno­lohiya upang palakasin ang produksyon sa agrikultura, at pagtatalaga ng mas maraming eksperto at siyen­tipiko sa Department of Agriculture (DA).

Ang Bagsakan Center ay isang bilihan para sa ani mula sa mga sakahan na pinatatakbo ng mga magsa­saka mismo upang hindi na dumaan ang kanilang mga produkto sa mga middleman.

Isa pang prayoridad na sinusulong ni Manicad ang pagwawakas sa kafala system ng ibang mga bansa sa Middle East na marami ang OFWs.

Sa ilalim ng nasabing sistema, ang bawat migran­teng empleyado ay magka­ka­roon ng “sponsor” sa bansang pupuntahan bago pa man dumating doon.

Ang ‘sponsor’ ay maaaring tao o kompanya.

About hataw tabloid

Leave a Reply

Your email address will not be published. Required fields are marked *

*

Scroll To Top