Friday , March 29 2024

75 barangay sa Dasmariñas City nakatangap ng patrol cars

TUMANGGAP ng mga patrol car ang 75 barangay sa Dasmariñas City mula kay Rep. Jenny Barzaga at kay Mayor Elpidio F. Barzaga, Jr., kahapon.

Ayon kay Cong. Barza­ga kailangan ng mga bara­ngay ang patrol cars, na may nakakabit na CCTV, para sa kaligtasan ng mga tao at para sugpuin ang kriminalidad na bumaba sa halos 50%.

Kasama sa mga ibinigay kahapon ang dalawang mobile outpost para sa pulis. Ang turnover ng patrol cars ay gina­wa sa Dasmariñas Integrated High School (DIHS) Open Grounds pakatapos basbasan ni Father Gabriel Chiniona.

Ayon kay dating gover­nor Jonvic Remulla, nakaing­git na ang Dasmariñas City.

Nagpasalamat si city chief of police, Supt. Nerwin Ricoher­moso sa ibinigay na patrol cars at mobile police outpost.

“Deterrence of crime has always been the primary mission of the city government. Through­out the years, maintenance of public order, peace, safety, and security has been proven central to the City’s continued growth and progress,” ani Mayor Barzaga.

Ayon kay Rep. Barzaga naka­tuon ang lungsod sa pagba­langkas ng mga pama­maraang makabago para maging mahusay at epektibo sa pagsisilbi sa tao ng Dasmariñas.

Lahat ng patrol car ay may camera at CCTV moni­tor, blinker at wangwang.

Ang dalawang mobile police outpost ay may built-in LED wall, LED panel lights, 1 HP aircon, CCTV system with five (5) cameras, at i5 desktop computer, wi-fi, at 8-channel network video recorder, bukod pa sa blinker at fog lights.

Mayroon din itong cold water dispenser.

Gumastos ang lungsod ng P83,382,000.00 para sa pagbili ng mga Toyota Hilux patrol cars at  P6,915,000 para sa dalawang mobile police outpost.

Ayon kay Mayor Barza­ga mas mapabibilis ang response time ng law enfor­cers sa krimen at sa emer­gency cases.

(GERRY BALDO)

About Gerry Baldo

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *