Monday , May 20 2019
Breaking News
You are here: Home / News / Digong nag-sorry kay Nur
Digong nag-sorry kay Nur

Digong nag-sorry kay Nur

NAG-USAP sa Palasyo sina Pangulong Rodrigo Duterte at Moro National Liberation Front (MNLF) founding chairman Nur Misuari kamakalawa ng gabi.

Sa press briefing sa Malacañang kahapon, sinabi ni Presidential Spokesman Salvador Panelo na 15 minutong na­ka­pag-usap ang dala­wa.

Ayon kay Panelo, si Pangulong Duterte ang maraming nasabi kay Misuari.

Humingi aniya ng paumanhin ang Pangulo kay Misuari dahil hindi pa nangyayari ang pangako niyang maipatupad ang federalismo.

Mas pabor si Misuari sa federalismo kaysa pagtatatag ng Bangsa­moro region.

Nagpasalamat aniya si Pangulong Duterte kay Misuari sa haba ng pasen­siya ng MNLF leader.

Giit ni Panelo, masu­sun­dan pa ang pagkikita at pagpupulong nina Pangulong Duterte at Misuari para mas mapa­haba pa ang diskusyon.

Wala naman aniyang nabanggit  si Pangulong Duterte kay Misuari hing­gil sa Bangsamoro Tran­sition Authority (BTA).

Ayon kay Panelo, walang reklamo si Misuari sa Pangulo hinggil sa komposisyon ng BTA.

Naunang napaulat na umalma si Misuari sa hindi patas na bilang ng komposisyon ng BTA dahil umano mas mara­ming miembro nito ay mula sa Moro Islamic Liberation Front (MILF).

Wala pang schedule ang susunod na pag-uusap nina Pangulong Duterte at Misuari.

(ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top