Thursday , July 18 2019
Breaking News
You are here: Home / News / P6.8M shabu kompiskado sa 4 big time drug dealer
P6.8M shabu kompiskado sa 4 big time drug dealer

P6.8M shabu kompiskado sa 4 big time drug dealer

APAT na bigtime drug dealer na kumikilos sa Quezon City at karatig lungsod ang naaresto ng mga operatiba ng Que­zon City Police District Cubao police station (QCPD-PS7) makaraang makompiskahan ng P6.8 milyong halaga ng shabu sa buy-bust ope­ration sa Taguig City, ayon sa ulat kahapon.

Sa ulat kay QCPD director, C/Supt. Jose­lito Esquivel Jr., kinilala ang nadakip na sina  Abel Dagadas, 34; Larrylyn Azada, 29; Usay Uting, 49;  at Jacqueline Dapitan, 52; pawang residente sa Sampaloc St., Brgy. Central Signal Village, Taguig City.

Ang apat ay nadakip dakong 4:20 pm nitong Miyerkoles sa ikinasang buy-bust operation ng mga operatiba ng anti-drug operatives ng QCPD PS7 na pinamumunuan P/Supt. Giovanni Hycenth Caliao.

Ayon kay Caliao, ang apat ay ikinanta ng dala­wang drug pusher na una nilang nadakip sa Brgy. Culiat, Quezon City.

Ikinanta ng dalawa na kinukuha nila ang droga kay Dagadas kaya nadakip sa No. 2 Sam­paloc St., Brgy. Central Signal Village, Taguig City, kasama ang tat­long binentahan ng sha­bu ang pulis na nag­panggap na buyer.

Nakuha sa mga suspek ang mahigit isang kilong ‘high grade shabu’ na nagkaka­halaga ng P6.8 milyon, P10,000 buy bust money, digital weighing scale at iba’t ibang uri ng drug paraphernalia.  

 (ALMAR DANGUILAN/JAJA GARCIA)

About Almar Danguilan

Leave a Reply

Your email address will not be published. Required fields are marked *

*

Scroll To Top