Friday , March 29 2024
Bulabugin ni Jerry Yap
Bulabugin ni Jerry Yap

Offshore (online) gaming dapat lang sudsurin ng BIR

KUNG matindi ang paghihigpit at pagsubaybay ng Bureau of Internal Revenue (BIR) sa mga negosyanteng Pinoy lalo sa hanay ng small businessmen mas dapat na maging mahigpit sila sa offshore/online gaming na ang operator ay mga dayuhan or specifically Chinese nationals.

Panahon na para pagtuunan ng pansin ng BIR ang mga ‘negosyong’ ito dahil mukhang masyado na silang ‘nalilibre’ at komportable sa pagtakas sa kanilang obligasyon sa pamahalaang Filipino.

Hindi kakarampot ang kinikita ng mga online gaming lalo na ‘yung tinatawag na ‘junket’ operations dahil hindi barya-baryang peso at Hong Kong dollar bills ang nilalaro nila riyan kundi milyon-milyon.

At kung nananalo naman sila, hindi rin barya-barya ang panalo nila. Ibig sabihin, ang offshore/online gaming and ‘junket’ operation ay kumikita nang limpak na limpak na dolyares.

Ibig sabihin, ngayon ang tamang panahon para ideklara ng Philippine Amusement and Gaming Corporation (PAGCOR) sa BIR kung ano-anong offshore/online gaming and junket ang binigyan nila ng lisensiya para mag-operate.

Isa tayo sa mga sumasang-ayon na dapat magpakita ng proof of tax registration and payment sa pagkuha ng bagong lisensiya ang offshore gaming operators na ang malaking bilang ng empleyado ay Chinese workers.

How about, the Chinese workers? Hindi ba dapat ay may pananagutan din sila sa BIR?!

Kaya sa nalalapit na pagre-renew ng kanilang lisensiya bilang Philippine-based offshore gaming operators (POGOs) dapat na rin silang kumuha ng registration mula sa BIR.

Aprub tayo riyan at ganoon din sa mga Chinese workers.

Diyan masusukat kung lahat nga ng Chinese nationals na nasa bansa ay walang nilalabag na batas sa komersiyo.

Attention, Labor department and Im­migration bureau!

MAY GUN BAN NGA BA
SA FILIPINAS NGAYON?!

ANG gun ban daw ng Commission on Elections (Comelec) ay para lamang sa law-abiding citizens.

Sila lang kasi ang masugid na sumusunod at nagrerespeto sa batas na ito.

Pero sa ilang taon nating pag-oobserba, tuwing mayroong gun ban ang Comelec, mas marami ang napapaslang.

Hindi natin alam kung may dalang ‘bad omen’ ang pagdedeklara ng gun ban o ‘yan ay inaabangang hudyat sa hired killers para ilunsad ang kanilang mga operasyon.

Kung kailan idineklara na mayroong gun ban, saka naman pinaslang in broad daylight ang isang barangay chairwoman sa Quezon City.

Nasundan pa ito ng pamamaslang sa ibang lugar sa Metro Manila hanggang sa iba’t ibang lalawigan sa bansa.

Ang pinaka-latest nga ay ambush sa isang negosyanteng Jose Luis Yulo sa Mandaluyong City.

Kaya gusto nating itanong, may umiiral nga bang gun ban ngayon sa bansa?!

Ano sa palagay ninyo PNP chief, Director General Oscar Albayalde and NCRPO chief, Director Guillermo Elazar?!

E parang gusto na nating maniwala na sa press conference lang kayo mabibilis?!

Huwag naman po sana.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *