Friday , March 29 2024

Sylvia Sanchez, sinuportahan ng BeauteDerm sa Alone/Together movie

MINSAN pang ipinakita ng BeauteDerm ang suporta sa award winning actress na si Ms. Sylvia Sanchez sa premiere night ng peliku­lang Alone/Together na tinatampukan nina Liza Soberano, Enrique Gil, at ni Ms. Sylvia.

Si Ms. Sylvia ang itinuturing na lucky charm at original baby ng Beaute­Derm CEO at owner na si Ms. Rei Tan na isa sa sponsors sa naturang premiere night sa Trinoma last Tuesday.

Hindi lang sa sponsor­ship sumuporta si Ms. Rei sa movie na ito na parte si Ms. Sylvia, nag-attend din siya sa premiere night at pati sa kanyang Facebook account ay ipino-promote pa niya ang pelikula na hatid ng Black Sheep at mula sa panulat at pama­mahala ni direk Antoinette Jadaone.

“At napuwing din ako ahuhu!” May fave line from the movie Alone/Together! Bukas na po! Panoorin n’yo napakaganda!” Post ni Ms. Rei sa FB last Feb.13.

Ang lady boss ng BeauteDerm ay kilala sa pagiging supportive sa lahat ng kanyang endorsers/am­bas­sadors tulad nina Carlo Aquino, Arjo Atayde, Matt Evans, Rochelle Barrameda, Shyr Valdez, Tonton Gutierrez, Marian Rivera, at iba pa.

Sa aming panayam noon kay Ms. Sylvia, inusisa namin kung kumusta na ang branch niyang Skin & Beyond by BeauteDerm sa Butuan City?

Tugon ng premyadong Kapamilya aktres, “Ay okay naman, tuloy-tuloy naman. Maganda naman ang Beautederm business natin, masaya ako.”

May plano rin daw silang magkaroon ng bagong branch sa abroad. “May plano, actually dapat aalis ako nitong January. Pupunta talaga ako sa isang lugar, magta-travel ako para sa Beautederm… mayroon na talaga akong kasosyo na naghihintay na, na dapat lilipad ako kasi magmi-meeting na roon, sa ibang bansa ito.

“May kaso­syo kami roon ni Art (Atayde) sa negosyo, pero ang problema is dumating itong movie na Jesusa na kailangan kong tapusin, kasi mayroon akong teleserye. So walang ano, kasi ang teleserye ko Monday, Wednesday, Friday, ayaw ko siyang isabay sa taping ko kasi kailangan kong mag-concentrate sa bagong teleserye. Kung umpisa pa lang mayroon nang kaagaw sa utak ko ‘yung teleserye, baka mahirapan akong mag-focus sa character. So kailangan tapusin ko na muna ito bago ako umalis ng Australia,” esplika ni Ms. Sylvia.

Incidentally, congrats sa mga nasa likod ng pelikulang Alone/Together dahil sa lakas na ipinakita nito sa takilya na kumita ng P21,672,901.58 sa opening day.  Tiyak na lalo pang lalakas itong LizQuen movie sa mga susunod na araw.

ALAM MO NA!
ni Nonie Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *