Tuesday , July 23 2019
Breaking News
You are here: Home / News / Tserman itinumba ng tandem sa Tondo (Estudyante tinamaan ng bala)
Tserman itinumba ng tandem sa Tondo (Estudyante tinamaan ng bala)

Tserman itinumba ng tandem sa Tondo (Estudyante tinamaan ng bala)

DEAD on arrival sa paga­mutan ang isang kapitan ng barangay habang sugatan ang 16-anyos na  estudyante na tinamaan ng ligaw na bala maka­raang pagbabarilin ng riding-in-tandem gun­man sa Tondo, Maynila.

Hindi na umabot nang buhay sa Ospital ng Tondo ang kapitan ng Barangay 199 na si Marcelino Ortega, 41 anyos, residente sa Pilar St., Manuguit, Tondo bunsod ng tama ng bala mula sa dalawang hindi pa tukoy na gunman na lulan ng isang motor­siklo.

Kasalukuyang gina­ga­mot sa nasabing paga­mutan ang biktima ng ligaw na bala na sinabing isang Andrea Nicole, 16-anyos estudyante, at residente sa Punturin, Valenzuela City.

Ayon sa ulat ng pulisya, naganap ang pamamaril dakong 2:58 pm sa panulukan ng Her­mosa at Pilar streets sa tapat mismo ng Barangay Hall 199 Zone 18 kung saan nanunungkulan ang napaslang na punong­bayan.

Kasalukuyang nagsa­sa­gawa ng imbestigasyon ang pulisya kaugnay sa pamamaril ng riding-in-tandem sa naturang lugar na ikinasawi ng opisyal ng barangay.

Napag-alaman, ang nasasakupan ng nasabing barangay ay talamak pa rin sa bentahan ng ilegal na droga.

Inaalam ng pulisya kung ano ang motibo ng pamamaril at tinitingnan rin umano ang posi­bilidad kung may kina­laman ang pamamaril sa kalakaran ng droga sa naturang barangay.

(BRIAN BILASANO)

About Brian Bilasano

Leave a Reply

Your email address will not be published. Required fields are marked *

*

Scroll To Top