Friday , April 26 2019
Breaking News
You are here: Home / News / Sa unang araw ng election campaign… 5 ‘gunrunners’ todas pulis sugatan sa QC ‘shootout’

Sa unang araw ng election campaign… 5 ‘gunrunners’ todas pulis sugatan sa QC ‘shootout’

LIMANG miyembro ng ‘gunrunning’ syndicate ang napatay ng mga operatiba ng Quezon City  Police District – District Special Opreation Unit (DSOU) nang manlaban at mabaril ang isang pulis na poseur buyer sa lungsod, kahapon ng hapon.

Sa ulat kay QCPD Director, Chief Supt. Joselito Esquivel Jr., isa sa limang gunrunners na napatay ay kinilala sa panga­lang Michael Desu­yo, tubong Pampa­ngga.

Naganap ang en­kwen­­tro sa pagitan ng mga operatiba ng QCPD-DSOU at ng mga miyem­bro ng  sindikato dakong 5:10 pm sa  De Vega Com­pound, corner Dah­lia at Iris streets., Brgy.  Fairview, Quezon City.

Ayon kay Supt. Gil Torralba, hepe ng DSOU, nakatanggap sila ng impormasyon kaugnay sa ilegal na pagbebenta ng mga baril ng mga suspek kaya agad nagkasa ng buy-bust operation laban sa mga suspek.

Tumayong ‘buyer’ si PO1 Ronald Pornea ngu­nit nang makahalata ang mga suspek na pulis ang kanilang kaharap agad na pinaputukan ang isang pulis dahilan para maa­larma ang mga kasamang operatiba kaya nagka­roon ng shootout.

Isinugod sa kalapit na ospital ang pulis na si PO1 Pornea dahil sa tama ng bala ng baril sa kaliwang braso.

Nasamsam sa mga napatay ang buy bust money (1 pc P1000 bill dusted money, 95 piraso ng P1000 bill bilang boodle money); 12 piraso ng cal 38 202 Armscor revolver; 2 piraso ng cal .45 pistol na may maga­zine at mga bala, at tatlong piraso ng cal 38 revolver.

Patuloy na nagsa­sagawa ng imbestigasyon ang pulisya, upang maki­lala ang mga napaslang na suspek.

ni ALMAR DANGUILAN

About Almar Danguilan

Leave a Reply

Your email address will not be published. Required fields are marked *

*

Scroll To Top