Saturday , May 25 2019
Breaking News
You are here: Home / News / Respeto sa PH Law pakiusap ng PNP Chief sa mga dayuhan
Respeto sa PH Law pakiusap ng PNP Chief sa mga dayuhan

Respeto sa PH Law pakiusap ng PNP Chief sa mga dayuhan

NAKIKIUSAP si Philip­pine National Police (PNP) Chief Oscar Alba­yalde sa mga dayuhang naririto sa bansa na ga­langin ang mga lokal na batas.

Kaugnay ito ng insi­dente ng pagsaboy ng taho ng isang babaeng Chinese national sa isang pulis matapos sitahin sa pag­dadala ng mga liquid substances sa MRT (Metro Rail Transit).

Sinabi ni Albayalde, hindi mag-aatubili ang PNP na ipatupad ang buong puwersa ng batas laban sa mga dayuhan na lumalabag sa mga batas ng Filipinas.

Idinidagdag niya na ang mga Filipino sa abroad ay sumusunod sa batas sa mga bansang kinaroroonan nila, kaya dapat ito rin ang gawin ng mga dayuhan sa Filipi­nas.

Sinabi naman ni Alba­yalde na ang pagbabawal sa mga likido sa MRT ay walang ipinagkaiba sa pagbabawal nito sa mga airport, na bahagi ng security measures kontra terorismo kaya walang dahilan para hindi sumu­nod ang sinoman.

Samantala, nagpa­hayag ng paghanga ang PNP chief kay PO1 William Cristobal na nagpamalas ng prope­syonalismo at pagtitimpi sa kabila ng pambabastos sa kanya ng Chinese national.

Sinampahan na ng kasong unjust vexation, assault at disobedience to agent of person in authority ang Chinese national na si Jiale Zhang sa Mandaluyong City Prosecutor’s Office kaugnay ng insidente.

 

 

About hataw tabloid

Leave a Reply

Your email address will not be published. Required fields are marked *

*

Scroll To Top