Saturday , May 25 2019
Breaking News
You are here: Home / News / 2 lalaking nanalo sa sabong patay sa ambush
2 lalaking nanalo sa sabong patay sa ambush

2 lalaking nanalo sa sabong patay sa ambush

TODAS ang dalawang lalaki na kagagaling sa sabungan matapos silang tambangan at pagbabarilin ng mga nakamotorsiklong suspek sa Meycauayan City, Bulacan.

Batay sa ulat, sakay ng isang kotse sina Andres Limcuando at katiwalang si Rodelio Ampunin nang tambangan sila ng dalawang suspek sa McArthur Highway pasado 2:00 ng madaling araw kamakalawa.

Ayon kay Chief Insp. Alexander Dioso, officer-in-charge ng Meycauayan City Police Station, habang pinagbabaril ang mga biktima ay nakuha ni Limcuando na iatras ang kanyang sasakyan nang halos 20 metro, pero sinundan sila ng putok ng mga suspek.

Sinasabing halos maburdahan ng tama ng bala ang salamin ng kotse dahil sa walang tigil na pagpapaulan ng bala ng mga suspek sa sasakyan ng mga biktima, na kanilang ikinamatay.

Sa imbestigasyon ng pulisya, nabatid na nawawala rin ang bag na pinaglagyan ng pera ng mga biktima na kanilang napanalunan sa sabungan sa Marilao.

Umaasa ang mga awtoridad na nakunan ng mga CCTV camera ang pamamaril sa mga biktima na makatutulong sa kanilang isinasagawang imbestigasyon. (MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top