Thursday , March 28 2024
fire sunog bombero

2 paslit, pulis, 3 pa patay sa apoy, 1 sa stampede, 1 sa atake sa puso (Sa tatlong sunog sa Metro Manila)

WALO katao ang nama­tay sa magkakahiwalay na sunog na naganap sa Marikina, Valenzuela at Parañaque cities.

Sa sunog sa Marikina, patay ang isang pulis, asawa at dalawang paslit na anak makaraang ma­da­may ang kanilang ba­hay sa nasusunog na burger stall sa Brgy. Sto. Niño, Marikina City, kahapon ng madaling araw.

Nabatid sa ulat ni F/Supt. Randolf Vides, Marikina City Fire chief, ang mga biktima ay kini­lalang sina P03 Romar Sumait, 27 anyos, Rose Reyes Sumait, 27 anyos, Kaizer Lee Sumait, 6-anyos totoy, at Kenzie Faye Sumait, 3-anyos batang babae pawang nakatira sa Col. Divina St., Brgy., Sto. Niño ng nabanggit na lungsod.

Batay sa paunang ulat, dakong 2:47 am, nang unang sumiklab ang sunog sa Cherry’s Sig­nature Burger, at mabilis na kumalat ang apoy kaya nadamay ang bahay ng mga biktima sa Col. Divino St.

Agad nagresponde ang mga tauhan ng rescue team at fire department sa lungsod at dakong 3:39 am nang ideklarang fire­out ang sunog.

Sinabi ng imbesti­gador na posibleng ma­him­bing na natutulog ang pamilya nang mangyari ang sunog kaya’t huli na at ‘di na nagawang ma­ka­ligtas ng mga biktima.

 Maliban sa mga nasawi wala nang naiulat na nasaktan o nasugatan sa nabanggit na insidente.

Nagsasagawa ng im­bestigasyon ang mga fire investigators sa tunay na pinagmulan ng sunog at tinataya ang kabuuang pinsala.

Samantala, tatlo ang patay sa isang sunog sa Barangay Moonwalk sa Parañaque City nitong Martes.

Ayon kay Insp. Mark Tuto, hepe ng inves­tigation section ng Para­ñaque Bureau of Fire Pro­tection, sumiklab ang su­nog sa St. Mary’s exten­sion sa Daang Batang St., dakong 2:45 ng hapon.

Nagsimula umano ang sunog sa bahay ng 52-anyos na si Kristina Miranda sa hindi pa malamang dahilan.

Namatay si Miranda sa matinding pinsala sa ulo dahil sa stampede bagama’t nadala pa siya sa Ospital ng Parañaque.

Kumalat ang sunog sa 50 kabahayan, ikinama­tay ng dalawa pang bik­tima na sina Maria Jocelle Maglakas, 26, at Eden Marie Cubian, 29.

Nasa 120 residente ang nawalan ng bahay.

Tinatayang P500,000 ang halaga ng pinsala sa sunog.

ni Edwin Moreno

About Ed Moreno

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *