Thursday , March 28 2024

Chot ‘di babalik sa TNT, PBA

ITINANGGI ni Chot Reyes ang umugong na balita na magbabalik siya bilang advisor ng Talk ‘N Text sa Philippine Basketball Association (PBA).

“Contrary to reports, I am not part of TNT in any official capacity,” ani Reyes sa kanyang twitter account na @coachot.

Kamakalawa ay napaulat ang kanyang pagbabalik sa PBA, pitong taon simula nang huling gabayan ang TNT sa apat na kampeonato mula 2008 hanggang 2012.

Ayon sa ulat ay kinuha  ng KaTropa ang 55-anyos na si Reyes bilang advisor upang matulungan sina head coach Bong Ravena at consultant Mark Dickel.

Magugunitang nag-facilitate ng TNT team sessions si Reyes noong nakaraang linggo sa Tagaytay na naging basehan ng mga ulat ng kanyang pagbabalik sa koponan.

Ngunit ayon kay Reyes, normal na gawin niya ang tulungan ang mga koponang nag-iimbita sa kanya sa training camp.

“I was asked to facilitate a team session in their training camp last week, just as I have been doing with other companies and even teams in the NCAA, MPBL, etc,” pahayag ni Reyes.

Buhat noong kanyang huling coaching stint sa PBA noong 2012, inilaan na ng five-time PBA Coach of the Year na si Reyes ang kanyang panahon sa pambansang koponan na Gilas Pilipinas.

Noong nakaraang taon ay ipinaubaya ni Reyes ang Gilas Pilipinas kay head coach Yeng Guiao upang maituon ang oras sa paggabay naman sa 23-man training pool ng bansa sa pangunguna ni 7’1 Kai Sotto na lalaban sa 2023 FIBA World Cup na dito gaganapin sa bansa.

Sa kasalukuyan ay nagsisilbi si Reyes bilang President at CEO ng TV5 na broadcast partner ng PBA. (JOHN BRYAN ULANDAY) 

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *