Friday , April 19 2019
Breaking News
You are here: Home / News / Homestay program hikayat ng Palasyo sa Eastern Samar
Homestay program hikayat ng Palasyo sa Eastern Samar

Homestay program hikayat ng Palasyo sa Eastern Samar

HINIKAYAT ng Palasyo ang mga residente sa Eastern Samar na ayusin at pagandahin ang kani­lang mga tahanan para palakasin ang tinatawag na homestay program.

Ito ay pagbubukas ng mga tahanan sa mga turista para kanilang matuluyan habang nasa probinsiya.

Sinabi ni Communi­cations Secretary Martin Andanar, wala kasing mga hotel sa Eastern Samar kaya karaniwan sa mga ganitong uri ng probinsiya na nagsisimula pa lamang makilala ng mga turista, ay residen­tial houses ang pansa­mantalang inuupahan ng mga bisita lalo ng mga dayuhan.

Ayon kay Andanar, sa ilalim ng programang homestay, ang mga may-ari ng bahay na gustong magpaupa ay nagpa­parehistro sa local govern­ment unit.

Kailangan maka­sunod sa itinatakdang requirements, halimbawa, dapat malinis ang buong bahay lalo na ang banyo, may sapat na suplay ng tubig at koryente, maayos ang ventilation at iba pa.

Karaniwan din suma­sailalim sa training ang may-ari ng bahay o caretaker kung paano tumanggap at umistema ng bisita. Madalas ay mga dayuhang turista ang kumakagat sa homestay program na gustong makaranas ng buhay sa probinsiya.

 (ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top