Friday , April 26 2019
Breaking News
You are here: Home / News / Negosyante, 7 pa tiklo sa sugal at shabu
Negosyante, 7 pa tiklo sa sugal at shabu

Negosyante, 7 pa tiklo sa sugal at shabu

SWAK sa kulungan ang walo katao, kabilang ang isang negosyante, makaraan madakip ng mga pulis sa ilegal na sugal at shabu sa Caloocan City.

Kinilala ni Caloocan Police Community Precinct 7 (PCP-7) head S/Insp. Jeraldson Rivera ang mga nadakip na sina John Paul Cu, 48; Jelly Lyn Timbol, 32; Renato Bajadam, 55, negosyante; Jun Nagusara, 44; Mario Bajada, 35; at Randel Artiga, 27-anyos, pawang residente sa nasabing lungsod.

Batay sa ulat, dakong 8:20 pm nang makatanggap ng tawag sa telepono ang mga tauhan ng PCP-7 mula sa isang concerned citizen at ini-report ang isang grupo na hinihinalang sangkot sa ilegal na aktibidad sa Magdalena St., Brgy. 163.

Agad nagresponde ang mga awtoridad  at mabilis na  naaktohan ang mga suspek na nagsusugal kaya inaresto

Nakompiska mula sa mga suspek ang isang set ng baraha, P660 bet money, ilang drug paraphernalia, nakabukas na plastic sachet na may bahid ng shabu, at anim pang transparent plastic sachet ng hinihinalang shabu.

Samantala, dakong 11:00 pm, nagsasagawa ng regular beat-patrol ang mga pulis sa BMBA Compd., Brgy. 120 nang mapansin nila ang mga naglalaro ng tong-its na nagresulta sa pagkaaresto kina Oscar Padilla, 35, at Jumie Bernardo, 32, habang nakatakas ang isang hindi kilalang kalaro nila.

Nakompiska sa mga suspek ang isang set ng baraha, P130 bet money, at tig-isang sachet ng hinihinalang shabu. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top