Friday , April 26 2019
Breaking News
You are here: Home / Showbiz / Martin at Gary, inisnab ng audience; Vice at Coco, tinilian, pinagkaguluhan
Martin at Gary, inisnab ng audience; Vice at Coco, tinilian, pinagkaguluhan

Martin at Gary, inisnab ng audience; Vice at Coco, tinilian, pinagkaguluhan

NALUNGKOT kami para kina Martin Nievera at Gary Valenciano dahil nang una silang tawagin para sa production number nila sa nakaraang Family is Love:  The 2018 ABS-CBN Christmas Concert na ginanap sa Smart Araneta Coliseum ay walang pumalakpak sa kanila ni isa.

Nagkatinginan kami ng mga kasama namin at dahil naka-puwesto kami sa gilid ng stage na roon nakaupo ang mga executive ng mga programa ng ABS-CBN ay nabulungan din isa-isa.

May tinext kaming kakilala at sinabi naming, ‘hala, walang pumalakpak kina Martin at Gary?’ at kaagad kaming sinagot ng, “true!.”

May isa pang taga-ASAP Natin ‘To ang sumunod na lumabas sa stage at halos ganito rin ang response ng mga taong nasa loob ng coliseum, parang wala silang nakikitang kumakanta’t sumasayaw sa entablado.

Kaya sa mga sumunod na labas ng pioneer hosts ng ASAP ay recorded audio na ang narinig naming palakpakan.

Gusto na lang naming isiping pawang millennial audience ang mga nasa loob ng Smart Araneta Coliseum kaya deadma sila sa senior stars dahil noong naglabasan naman ang mga young loveteams ay halos maubusan sila ng boses sa katitili.

Pero teka, bakit noong lumabas sina Vice Ganda at Coco Martin ay tilian din ang lahat, hindi naman sila millennial actors?

Oh well, maski na anong sabihin pa, malakas pa rin sa TFC sina Martin at Gary kaya naniniwala kaming isa ito sa dahilan kung bakit sila regular sa ASAP Natin ‘To.

FACT SHEET
ni Reggee Bonoan

About Reggee Bonoan

Leave a Reply

Your email address will not be published. Required fields are marked *

*

Scroll To Top