HATAW! D'yaryo ng Bayan hatawtabloid.com
NAGDIWANG ng kaarawan ang Eat Bulaga host/actor Paolo Ballesteros ng kanyang 36th birthday last November 29. Isa sa maagang bumati sa kanya ang rumored non-showbiz boyfriend na si Kenneth Gabriel Concepcion.
Sa pamamagitan ng kanyang Instagram ay ibinahagi ni Paolo ang larawan ng bouquet of flowers na bigay sa kanya ni Kenneth. Makikita rin sa background si Kenneth na nakaupo sa kama na may caption na, “yiii aga happy birthday to me.”
Naka-tag din doon si Kenneth at nilagyan pa ni Paolo ng hashtag na ‘#siopao,’ na tila term of endearment nila.
Sa most recent IG post naman ni Kenneth, makikita ang larawan nila ni Paolo na may caption na, “A dinner date with him #SioPao.”
At kahit nga lantaran na ang relasyon ng dalawa ay wala pa ring direktang pag-amin si Paolo sa estado ng nila ni Kenneth, pero marami ang kinikilig sa mga ito at suportado ang kanilang relasyon.
MATABIL
ni John Fontanilla
