Tuesday , December 11 2018
Breaking News
You are here: Home / Showbiz / ‘Bato’ ni Darna nawawala kaya ‘di na matuloy-tuloy?
‘Bato’ ni Darna nawawala kaya ‘di na matuloy-tuloy?

‘Bato’ ni Darna nawawala kaya ‘di na matuloy-tuloy?

ANO ba ang nangyayari talaga at naurong na naman ang pagsasa-pelikula niyang Darna?

Noong una ay sinasabing tuloy na tuloy na iyan at ang magiging bida ulit ay si Angel Locsin. Maraming sinasabing naghahanda na si Angel, pero hindi natuloy dahil nagkaroon siya ng problema sa kanyang likod at kailangan niyang sumailalim sa isang operasyon. Nagpa-opera naman si Angel sa Singapore pa, at sinasabing kailangan lang ng kaunting therapy, puwede na niyang simulan ang pelikula.

READ MORE:  Savings ni Paulo, naubos, Goyo napakagastos

Tapos ewan kung ano ang nangyari, basta hindi na puwede si Angel dahil sa mga action scene ng Darna. Pero ngayon ang sinasabing ginagawa niya ay mas matindi pa dahil may martial arts pang kailangan niyang gawin.

Kung sino-sino ang pinahulaan nilang papalit kay Angel, hanggang sa bumagsak na nga lang kay Liza Soberano. Dalawang taon na rin ang lumipas, tapos biglang nagkaroon ng problema. Umalis si direk Erik Matti na siya sanang gagawa ng project. Mayroon daw “creative differences” kaya nawala si Matti. Biglang ang director na ay si Jerrold Tarog.

READ MORE:  Paulo, nabighani sa ganda ng istorya ni Goyo

Ngayon biglang wala na naman dahil uunahin muna ang isang pelikula ni Liza na katambal si Enrique Gil. Bakit? Ano nga ba ang nangyayari sa Darna? Nawawala ba iyong “bato”?

May mga mapamahiin, at maraming ganyan sa showbusiness, na nagsasabing baka nga mas mabuti pa huwag nang ituloy iyang Darna ngayon. Maghintay na lang sila ng tamang panahon para gawin ang project na iyan. Aba eh lahat na lang ng delay dumating na eh. Baka naman kung magawa nila iyang Darna na iyan maging disaster pa.

READ MORE:  Angel, bag designer na

Sayang ang project pero naniniwala kami na kung ganyan ngang bantulot silang gawin iyan, mas mabuti pang huwag na muna nilang ituloy.

HATAWAN
ni Ed de Leon

 

Parinig ni Janno sa Star Music, binura agad

Parinig ni Janno sa Star Music, binura agad

COMMENTS

About Ed de Leon

Scroll To Top
 

Copyright hatawtabloid.com | All Rights Reserved