Categories: Showbiz

Ronnie Liang, matatag pa rin sa loob ng 12 taon (Excited na sa collaboration nila ni Sarah)

Share
https://www.hatawtabloid.com/wp-content/uploads/2020/07/00-TioPaengs-widget.jpg"data-block-on-consent>

HALIMAW kung ilarawan ni Ronnie Liang si Sarah Geronimo. Isa si Ronnie sa madalas kasama ni Sarah sa mga concert kaya naman ang Pop Royalty din ang gusto niyang maka-collaborate.

Actually, magkakaroon sila ng duet ni Sarah very soon sa ilalim ng Viva Records.

Ayon kay Ronnie, matagal na niyang pangarap ang maka-collaborate ang singer aktres at natutuwa siyang excited din si Sarah na maka-duet siya.

“Natuwa nga po si Sarah. Nangumusta siya, at siya rin po ang nag-follow up kung ano ang babagay na song sa aming dalawa,” kuwento ni Ronnie nang minsang makatsikahan namin ito para sa bagong labas niyang album, ang 12onnie Liang na ang R ay ginawang 12 bilang selebrasyon ng kanyang ika-12 anibersaryo sa showbiz.

Ani Ronnie, isang original song ang kanilang gagawin nila ni Sarah.

Bukod sa collaboration, pinaghahandaan na rin niya ang isang major solo concert sa New Frontier Theater (dating KIA Theatre) na isa si Sarah sa magiging special guest.

Ang 12onnie Liang album naman ay may 10 tracks kasama ang minus one ng lahat ng kantang nakapaloob dito. Ang carrier single nito ay Tila na binigyan ng bagong tunog at areglo na kinanta noon ni Clara Benin. Kasama rin dito ang Ligaya, Yakap, Sa ‘Yo Na Lang Ako, at Pakisabi Na Lang ng The Company.

Thankful si Ronnie sa 12 taong pananatili niya sa recording at showbiz. Kasi naman hindi rin siya nawawala ng project at visible siya sa mga out of town at country shows.

Sa first batch ng reality talent search noon ng ABS-CBN na Pinoy Dream Academy, sila na lang ni Yeng Constantino (grand winner) ang active at nananatili sa showbiz.

“I’m very thankful, I’m still here. Ang daming artista at mga bagong singer na pumapasok, pero until now nandito pa rin ako, nararamdaman pa rin nila ako. At saka kung dati kanta lang, ngayon umaarte na rin,” ani Ronnie.

Pangarap din ni Ronnie na magkaroon ng pelikulang siya ang bida.

“Nangangarap po akong magkaroon ng lead role sa isang serye. Another hit song. Successful concert. Movie rin sana na ako ‘yung lead.

“Naniniwala naman po ako sa God’s perfect timing at minsan ganoon talaga, you have to wait. Pero ngayon I’m very thankful sa lahat ng blessings. Lalo na sa Viva at sa lahat ng mga taong patuloy na sumusuporta sa akin.”

At next year, mapapanood siya sa isang pelikulang pinagbibidahan ni Cristine Reyes mula Viva Films.

Anang binate, umaasa siyang very soon ay magkakaroon uli siya ng bagong teleserye.

Sa kabilang banda, ipinagpapasasalamat din ni Ronnie ay ang patuloy na pagkagiliw sa kanyang awiting Ngiti. Katunayan, kumikita pa rin siya rito dahil sa royalty.

At in fairness, kapag pinatutugtog ito’y alam ng lahat pinatutugtog pa rin ito sa mga radio station, ginagamit na theme song at jingle sa mga commercial.

At bago nagtapos ang aming pag-uusap, nag-imbita si Ronnie sa kanyang fans at sa mga nagnanais na makita siya. Isang show ang  gagawin niya sa Sta. Rosa Sports Complex sa Nov. 30 kaya kitakits.

SHOWBIZ KONEK
ni Maricris Valdez Nicasio

Hintayan ng Langit nina Eddie at Gina, mapapanood na nationwide
Fall for Fashion, fashion show for a cause
Maricris Valdez Nicasio

Published by
Maricris Valdez Nicasio

Recent Posts

Sibak o suspensiyon vs LGUs na mag-iipit ng cell tower work permits ng telcos (3-araw ultimatum ni Digong)

HANGGANG tatlong araw na lamang ang palugit ni Pangulong Rodrigo Duterte sa local government units (LGUs) upang aksiyonan ang construction… Read More

1 hour ago

Netizens at advertisers, nasabik; Kapamilya Online Live ng ABS-CBN, sinuportahan

LABIS ang pagkasabik ng netizens at advertisers sa paglulunsad ng ABS-CBN ng Kapamilya Online Live sa YouTube at Facebook matapos itong purihin bilang isang makabagong paraan ng paghahatid… Read More

12 hours ago

Miggs Cuaderno, espesyal ang natanggap na regalo

SA August 8 ang 16th birthday ni Miggs Cuaderno at maraming fans niya excited makita kung paano ito ipagdiriwang ng actor. May… Read More

12 hours ago

John may hugot — ‘Pag wala ka na palang pera at ‘di na sikat, isa-isa nang lumalayo ang mga kaibigan, kamag-anak

NAIKUWENTO ng may karamdamang actor na si John Regala ang nararamdamang kalungkutan. Nasabi ni John na kapag pala hindi ka na sikat at… Read More

12 hours ago

Tagasubaybay ni Coco, nagbunyi

PARA-PARAAN lang talaga ang buhay-showbiz. Kailangan gumawa ng paraan kapag may problemang napapasukan. Sino ang makapagsasabing ang inakala ng iba… Read More

12 hours ago

Elijah Alejo, na-excite sa muli nilang pagsasama ni Katrina Halili

BAGONG episodes muli ang mapapanood sa Sabado sa Wish Ko Lang! at Imbestigador.   Bibida sa programa ni Vicky Morales na Wish Ko Lang! sina Katrina Halili, Luis… Read More

12 hours ago