Tuesday , March 31 2020
Breaking News
You are here: Home / News / ‘Road rage’ suspect arestado (Driver ng FJ Cruiser ‘8’)

‘Road rage’ suspect arestado (Driver ng FJ Cruiser ‘8’)

CAMP OLIVAS, Pampanga – Ares­tado ang suspek sa viral road rage na gumagamit ng plakang 8, makaraan manapak ng isang lalaki sa Angeles City, kamakalawa ng madaling-araw.

Ayon kay PRO3 director, C/Supt. Ama­dor Corpus, nadakip ang suspek na si Jojo Valerio y Serafico, 30, business­man/singer, residente sa Morris St., North Delton Communities, Quezon City, sa ikinasang hot pursuit operation nang pinagsanib na puwersa ng Central Luzon PNP, sa Tarlac City, makaraan ang kanyang gig.

Habang kinilala ang biktimang umano’y sina­pak ng suspek, na si Jesu­sito Palma, 26, nakatira sa Friendship Highway, Anonas, Angeles City.

Batay sa report ng pulisya, dakong 1:30 am nang magkainitan sina Valerio, sakay ng kanyang FJ cruiser na may congress­man protocol plate 8, at si Palma, na lulan ng kanyang mina­manehong kotseng Toyo­ta.

Ito ay makaraan uma­nong mag-overtake si Palma sa suspek sa harap ng Dainty restaurant sa McArthur Highway sa Balibago.

Bunsod nito, sinapak umano ng suspek ang biktima at pagkaraan ay tumakas.

Si Valerio ang sinasa­bing suspek sa nangyaring road rage sa Congres­sional Avenue sa Quezon City habang minamaneho ang FJ Cruiser na may plakang 8, na nag-viral sa social media.

Ayon sa mga imbes­tigador, hindi siya ka­mag-anak ni Pampanga Rep. Carmelo Lazatin II.

Kasalukuyang iniim­bestigahan ng pulisya kung paano nagkaroon ng No.8 license plate ang suspek.

Siya ay nahaharap sa kasong grave threat, serious physical injury, abuse and usurpation of authority at paglabag sa traffic rules.

ni RAUL SUSCANO

Recall ng plakang 8 iniutos

Recall ng plakang 8 iniutos

About Raul Suscano

Leave a Reply

Your email address will not be published. Required fields are marked *

*

Scroll To Top