Thursday , March 28 2024
Christian Bables Cora Waddell
Christian Bables Cora Waddell

Christian at Cora, maganda ang chemistry sa pelikulang Recipe for Love

MAGANDA ang chemistry nina Christian Bables at Cora Waddell sa pelikulang Recipe for Love ng Regal Entertain­ment na showing na sa Novem­ber 21. Parehong maganda at guwapo sina Cora at Christian at bagay sa mga ginampanang papel sa pelikulang ito na mula sa pamamahala ni Direk Jose Javier Reyes.

Alamin ang mga lihim na sangkap sa isang healthy relationship sa pelikulang ito sa pinakabagong pelikula ng multi-awarded actor na si Christian at Pinoy Big Brother Lucky 7 ex-housemate na si Cora.

Ang Recipe For Love ay kuwento ni Calix, ang chef ng isang upscale Filipino restau­rant. Dito niya makikilala si Val, isang food blogger na nagna­nais na maging editor ng magazine.

Hindi man maayos ang pagkakakilala nila, unti-unting mahuhulog para sa isa’t isa sina Calix at Val. Kalaunan, tulad ng niluluto at sinusuri nila, matu­tuklasan nina Calix at Val ang magkakaibang lasa ng pagka­karoon ng relasyon, tulad ng kapaitan at tamis nito. Ngunit magkakaroon pa rin sila ng mga perpektong recipe para sa pag-ibig upang manatili silang magkasama.

Ipinahayag ni Christian na malapit sa kanyang puso ang comedy. “Hindi malayo sa akin. I must say ‘yung sense of humor ko malakas din naman talaga. Mahilig akong magpatawa sa mga kapatid ko, sa mga kaibigan.

“Hindi naman ako nangapa sa pagbitaw ng punchlines. It’s something that’s part of me,” saad ni Christian.

Aminado naman si Cora na sobrang saya niya nang napiling maging leading lady sa pelikulang ito. “Sa Recipe for Love, iyon ‘yung Cinderella moment ko talaga. Masaya na akong maka­sama sa isang pelikula, pero noong sinabi nila sa akin na eto na, you’re gonna be a leading lady, halos gusto ko nang umiyak, ‘di ako makapaniwala na nang­yayari ito.”

Nagbigay pa nang kaunting patikim si Cora sa kanilang pelikula. “It’s a RomCom I would say, it’s a romantic movie, pero it’s deliciously appealing. Hindi lang tungkol sa love or sa relationship, o sa trabaho, pero it’s a foodie movie. At foodie talaga ako at heart, I love to eat.

“Kaya tuwang-tuwa ako sa movie na ito, kasi it’s really featuring Filipino cuisine na may story line rin. So, kakaiba siya and I’m very excited about it, kung paano tatanggapin ng audience,” sambit ni Cora.

Tampok din sa Recipe for Love sina Myrtle Sarrosa, Sophie Albert, Enrico Cuenca, Agot Isidro, Bing Loyzaga, at Ogie Diaz.

ALAM MO NA!
ni Nonie Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *