Categories: News

Sapat na rice supply tiniyak sa publiko

Share

MAKATITIYAK ang mga Filipino na mananatiling sa­pat ang supply ng bigas sa susunod na mga araw bilang resulta ng ipatutupad na polisiya ng gobyerno hinggil sa pang-aangkat ng bigas, ayon kay Trade and Industry Secretary Ramon Lopez kahapon.

“Malinaw ang polisiya ng ating pamahalaan lalo ang bilin ni Presidente [Rodrigo] Duterte talaga, punuin ninyo ng stock ‘yan,” paha­yag ni Lopez, nang itanong kung dapat man­gam­ba ang publiko hinggil sa umuunting supply ng bigas sa bansa.

“Hindi na bale tayo ay sumobra, huwag lang kumu­lang kaya mag-import nang mag-import,” dagdag niya.

Kamakailan, dumanas ang bansa ng krisis sa bigas dahil sa pagbaba ng supply nito sa ‘dangerous levels,’ kaya napilitan ang gobyerno na magpatupad ng mga hakbang upang matiyak na magiging sapat ang supply sa mga Filipino.

Bukod sa pag-angkat, sinabi ni Lopez, tiniyak din ng gobyerno na mabibigyan ang local rice producers at mga magsasaka ng mga insentibo sa pagtulong na mapataas ang supply ng bigas.

“‘Yung local supply din, mag-mill tayo nang mag-mill habang ngayon ay harvest season,” aniya.

“At ang NFA (National Food Authority) nga, nagbi­gay pa sila ng incentive para makabili sila sa local farmers, so in other words hindi rin lugi ang farmers,” dagdag niya.

Ayon kay Lopez, itinaas ng NFA ang buying price ng palay mula sa local farmers, mula P17 patungo sa P20.70.

“Mainam ‘yun sa farm­ers at the same time maka­pag-iimbak ang NFA ng local rice rin, at ‘yun ang imi-mill nila,” aniya.

Ang Department of Trade and Industry at Department of Agriculture ay nagpalabas kamakailan ng ‘suggested retail price’ para sa bigas.

hataw tabloid

Published by
hataw tabloid

Recent Posts

Actor, desmayado sa mga pelikulang nagawa noon

DESMAYADO raw ang isang actor sa tuwing sinasabi sa kanya na ang mga pelikulang nagawa niya noong hindi pa siya… Read More

16 hours ago

Kim, kabado sa unang pagbibida

HINDI inakala nI Kim Molina na darating siya sa puntong mabibigyan ng pagkakataon na magbida sa pelikula. Kaya sobra-sobra ang pasasalamat niya… Read More

16 hours ago

32 candidates ng Mister Grand Philippines 2019, palaban

FRESH at guwapo ang 32 candidates ng 2019 Mister Grand International nang humarap sa ilang entertainment press noong September 10 sa Winford… Read More

16 hours ago

Condo ni Ara, nasasalaula

MAY pagkakapareho si Ara Mina at ang dating sexy star na si Katrina Paula: mahilig silang magbigay ng foster homes. Ewan lang namin… Read More

16 hours ago

Festival movies flop, P13-M lamang ang pinakamalaking kinita

AYAN ha, hindi na masasabing maramot ang mga may-ari ng sinehan. Hindi na masasabing ayaw nilang makipagtulungan sa industriya ng… Read More

16 hours ago

Ate Vi, mas inuna ang bayan kaysa showbiz gathering

INISNAB daw ni Congresswoman Vilma Santos, at ng iba pang mga sikat na artista ang isang mahalagang showbiz gathering na magbibigay pa… Read More

16 hours ago