Categories: Sports

Blatche, sabik nang bumalik sa Team Filipinas

Share

NANGANGATI  na uling makapagsuot ng uniporme ng Team Pilipinas si naturalized import Andray Blatche.

Ito ay ayon sa kanyang pahayag kahapon ilang linggo bago ang nalalapit na fifth window ng 2019 FIBA World Cup Asian Qualifiers.

“War ready, waiting for that phone call for these two coming games,” ani Blatche sa kanyang post sa opisyal na instagram account na @draylive.

Kalakip ng post ang kanyang larawan suot ang Pilipinas jersey sa first round ng idinaraos na Asian Qualifiers.

Kasalukuyan pang gumugugol ng tatlong larong suspensiyon ang 32-anyos na si Blatche kasama sina Troy Rosario, Jayson Castro at Terrence Romeo dahil sa rambol kontra Australia noon pang nakaraang Hulyo.

Inaasahang matatapos na ang naturang suspensiyon sa 30 Nobyembre kontra Kazakhstan, na magbibigay-daan sa kanyang pababalik sa national team kontra Iran sa 3 Disyembre.

Bunsod ng napipintong pagbabalik ni Blatche, inaasahang lalong lalaki at lalakas ang Filipinas na hangaring mapatatag ang hawak nito sa ikatlong puwesto ng Group F hawak ang 5-3 kartada.

Sa ngayon ay nasa likod ng Australia (7-1) at Iran (6-2) ang Team Pilipinas at ang panalo sa dalawang home games sa Mall of Asia Arena kontra Kazakhstan at Iran ang lalong maglalapit sa kanilang sa pagpasok sa World Cup na gaganapin sa China sa susunod na taon.

Sasamahan ni Blatche sa lalong pinatatag na Team Pilipinas ni head coach Yeng Guiao ang iba pang higante na sina Christian Standhardinger, Ian Sangalang, John Paul Erram, Beau Belga, Raymond Almazan at Asi Taulava.

Dagdag dito sina June Mar Fajardo at Greg Slaughter na sa wakas ay magaling na ulit mula sa shin at ankle injuries, ayon sa pagkakasunod.

Isasali rin ni Guiao sa koponan si 7’1 teen sensation Kai Sotto upang masanay agad ang binatilyong higante para sa kanyang hinaharap na pagbandera sa national team.

Inaasahang papangalanan nin Guiao ngayon ang kanyang pinal na training pool matapos ang board meeting kasama ang PBA Board of Governors bago ang pagsisimula ng 2018 PBA Governors’ Cup quarterfinals.

ni John Bryan Ulanday

John Bryan Ulanday

Published by
John Bryan Ulanday

Recent Posts

Pagtatapos ng Los Bastardos, pinanghihinayangan

MARAMI ang nanghihi­-nayang da­hil matapos ang isang taon, matatapos na pala ang serye na nagtala ng pinakamataas na ratings sa… Read More

3 days ago

Marineros ni Direk Anthony, matino

“NAKALABINDALAWANG pelikula na akong nagawa,” sabi ng director na si Anthony Hernandez. Kahit na baguhan lang, makikita mo naman ang… Read More

3 days ago

Khalil, give-up na sa pagkanta

MAGANDA ang musical-romantic movie na LSS ng Globe Studios na pinagbibidahan nina Khalil Ramos at Gabbi Garcia na real life couple. Ayon sa dalawang bida, lalo… Read More

3 days ago

Final 6 ng Clique V, matatag, at ‘di mang-iiwan

HINDI natinag ng kanegahan ang all-male-group na Clique V. Naging matatag sila sa kabila ng mga pagsubok na dumating sa kanila nitong… Read More

3 days ago

Angel, ‘di nagpakabog kay Maricel

PINALAKPAKAN ang acting ni Angel Locsin sa death scene nina Maricel Soriano at Arjo Atayde sa The General’s Daughter. Hagulgol to the max si Angel habang… Read More

3 days ago

Pagpapatawa ni Empoy, ‘wa na epek

MUKHANG nasasapawan pa ng pag-iibigan nina Lorna Tolentino at Rowel Santiago ang leading stars na sina Coco Martin at Yassi Pressman sa FPJ’s Ang Probinsyano. Sabi nga, mukhang may… Read More

3 days ago