Saturday , December 15 2018
Breaking News
You are here: Home / Showbiz / Pag-boykot kay Vice Ganda at sa It’s Showtime, ipinanawagan
Pag-boykot kay Vice Ganda at sa It’s Showtime, ipinanawagan

Pag-boykot kay Vice Ganda at sa It’s Showtime, ipinanawagan

BOYCOTT Vice Ganda. Boycott It’s Showtime. Boycott Gandang Gabi Vice.

Ito ang panawagan ng isang FB user (na kasagutan namin based on our common political color) sa gay TV host-comedian.

Bunsod ito ng recent interview ni VG sa mga pangunahing bida ng latest Star Cinema offering na sina Aga Muhlach at Bea Alonzo. Personally, hindi man namin napanood mismo ang nasabing episode ay nakatisod kami sa FB ng post mula sa Pinoy Ako Blog (PAB) na kumondena sa sagot ni Aga sa tanong ni VG kung ano ang masasabi nito kay Senator Antonio Trillanes.

READ MORE:  Willie, ‘di raw hahayaang maubos sa casino ang mga naipundar na yaman

Pabor kay Pangulong Duterte ang reaksiyon ni Aga na pinakitaan ng malaking litrato ng senador. Todo puri ang aktor sa kahanga-hangang gawain ni PRD, kaya ang payo niya SenTri ay tumigil na ito.

Ayon sa FB user (na obyus na maka-Trillanes) na mismong nakapanood ng episode na ‘yon, hindi kaibig-ibig ang pampo-provoke (or act of instigation) na ginawa ni Vice Ganda.

Agad naman kaming dumepensa sa TV host. Kursong AB Political Science ang kinuha noon ni VG sa FEU, pero hindi niya natapos. But what’s laudable o kapuri-puri kay Vice Ganda ay ang katotohanang bukod sa aware siya sa mga kaganapan sa politika’y may sense ang kanyang mga binibitawang opinyon.

READ MORE:  Vice Ganda, luka-luka sa pag-ibig, pero ‘di syonga

Iboykot—panawagan pa rin ng FB user na isang doctor—na rin ang Aga-Bea movie (separately, isang political columnist ng isang tabloid [hindi Hataw] ang hindi na nagtaka kung bakit below expectations ang kinita ng pelikula sa unang araw ng showing nito.

Kung makapuri raw si Aga kay Duterte, wagas!

Kung pagtanaw daw ‘yon ng utang na loob o pagpapakita ng pasasalamat sa Pangulo na sumilip sa burol ng kanyang amang si Cheng ay nagkakamali raw si Aga.

READ MORE:  Sharon, nagmahal ng ‘di taga-showbiz

Para sa impormasyon na rin daw ng aktor, napadaan lang daw—at hindi talaga sinadyang dalawin—si Presidente sa Heritage Park. Ibang burol ang ipinunta roon ng Pangulo.

Nakalimutan na rin daw ba ni Aga na noong tumakbo siya (pero olat) sa Bicol ay nakatiket siya sa Liberal Party, at hindi sa partidong kinakatawan ng Pangulo?

Oh, well…

HOT, AW!
ni Ronnie Carrasco III

 

 

Kuya Boy, sobra-sobra ang na-achieve

Kuya Boy, sobra-sobra ang na-achieve

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved