Saturday , November 17 2018
Breaking News
You are here: Home / Showbiz / Victor Magtanggol ni Alden, sisibakin na; ‘Di pa rin makaalagwa sa AP
Victor Magtanggol ni Alden, sisibakin na; ‘Di pa rin makaalagwa sa AP

Victor Magtanggol ni Alden, sisibakin na; ‘Di pa rin makaalagwa sa AP

HABANG isinusulat namin ito’y in-exhaust namin ang dalawang paraan para kontakin ang GMA CorpCom kaugnay ng balitang sisibakin na sa ere ang Victor Magtanggol sa November.

Hindi kaila na ginastusan at walang dudang pinagbubutihan ng bida roon na si Alden Richards ang panggabing programa’y sisinghap-singhap pa rin ito pagdating sa ratings.

It’s a reality sa daigdig ng telebisyon. Kahit gaano pa kasi kaganda o kaibig-ibig ang isang panoorin ay walang garantiya na kakagatin ito ng mga manonood.

Pero sa kaso ng VM, in fairness ay aware ang produksiyon nito sa simula’t simula pa na pader ang kanilang napiling banggain, ang FPJ’S Ang Probinsyano ni Coco Martin.

READ MORE:  All is well that ends well na kina Jen, Nikka at Patrick

Dapat sana, sa tagal nang umeere nito’y kinasawaan na ito ng publiko pero hindi pa rin ito mabitaw-bitawan ng viewers. Maraming factors kung bakit malayo pa itong pagsawaan.

From the very start, walang pretensiyon ang GMA na makakabog nila ito. Theirs is an alternative show na kung susuwertihin ay baka makasilat.

Pero hindi nga ganoon ang nangyari. Ipinasok na’t lahat ang mga Sangre sa Encantadia pero hindi pa rin umubra ang kanilang kapangyarihan na makaungos o pumantay man sa tinatamasang ratings ngAP.

Hence  balita ngang hanggang November na lang ang VM.

Kagyat kaming nag-text at tumanggap sa taga-GMA CorpCom wanting to get the side of the management. Makaraan ng ilang oras ay nag-text back sa amin si Marian Domingo.

READ MORE:  Aljur, ‘di nawala ang pagmamahal kay Kylie

Aniya, wala pang opisyal na abiso mula sa production, pero tuloy-tuloy pa rin ang taping ng VM.

Balitang kasado na ang papalit sa VM. Ito ‘yung kina Dennis Trillo at Mr. Dantes na ewan kung TV adaptation ng klasikong pelikula noon nina Christopher de Leon at Phillip Salvador.

Obviously, mukhang heavy drama na may kasamang action ang tema nito. Magandang ipantapat head-on sa AP na lahat ng mga element ay naroon pero mas nangingibabaw pa rin ang mga maaaksiyong tagpo.

READ MORE:  Maine, iniligwak na ng GMA

Kung ang AP at ang kina Trillo-Dantes ang magkakasagupaan, in a way ay patas ang laban. Dalawang binansagang Primetime King ng magkalabang TV network ang magpapambuno sa ratings.

Pareho ring materyal ito na mula sa pelikula na in-adapt for TV.

Dito na talaga magkakasu­katan kung kaninong puwersa ang mas mananaig.

Parang eleksiyon lang sa Metro Manila ang peg.

At pahabol para kay Alden, talagang he cannot have it all. Sinumang artista’y dumaranas din ng kanyang share ng kabiguan sa career.

HOT, AW!
ni Ronnie Carrasco III

COMMENTS

About Ronnie Carrasco III

Scroll To Top
 

Copyright hatawtabloid.com | All Rights Reserved